गोदावरी रंगशालामा उपत्यकाव्यापी फुटवल प्रतियोगिता हुँदै

चापागाँउ
ललितपुरको चापागाँउस्थित गोदावरी रंगशालामा उपत्यकाव्यापी फुटवल प्रतियोगिता आयोजना हुने भएको छ ।
नगरपालिकाका अनुसार यही चैत्र ९ गतेबाट १३ गतेसम्म उपत्यकाव्यापी अन्तरनगरपालिकास्तरिय मेयरकप फुटवल प्रतियोगिता हुने भएको हो । अघिल्लो बर्ष पहिलो उपत्यकाव्यापी फुटवल प्रतियोगिता सम्पन्न गरेको नगरपालिकाले यस बर्ष उपधि जित्ने टिमलाई ५ लाख पुरस्कार समेत दिने घोषणा गरेको छ । प्रतियोगिताको उपविजेताले ३ लाख रुपैयाँ हात पार्नेछ ।
झ्यालुण्टार सामुदायिक वन क्षेत्रमा केन्द्र सरकारको अनुमती नलिई निर्माण गरिएको सो रंगशालामामा गतबर्ष खेल खेलाउन कठीन भएपछि च्यासल रंगशालामा फाइनल खेल खेलाइएको थियो ।
भर्खरै मन्त्रीपरिषद बैठकबाट रंगशाला निर्माणका लागि नगरपालिकालाई जग्गा दिने औपचारिक निर्णय गरिएको छ ।