चलचित्र ’डोरी’को पोस्टरको केन्द्रमा अभिनेत्री अञ्जना बराइली

पोस्टरको केन्द्रमा अभिनेत्री बराइलीलाई परम्परागत पोसाक ढल्केर मुस्कानसहित देखाइएको छ

काठमाडौं
पछिल्लो पुस्ताकी चल्तीमा आएकी अभिनेत्री हुन् अञ्जना बराइली । चलचित्र पुर्ण बहादुरको सारंगी ब्लकबस्टर सावित भएपछि उनको माग चलचित्र क्षेत्रमा ह्वात्तै बढेको छ ।
चैत्र १५ देखि देशभरका प्रदर्शन हुने नेपाली चलचित्र ‘डोरी’ को नयाँ पोस्टर अभिनेत्री बराइली केन्द्रमा देखिएकी छिन् ।
पोस्टरको केन्द्रमा अभिनेत्री बराइलीलाई परम्परागत पोसाक ढल्केर मुस्कानसहित देखाइएको छ । चलचित्रको पोस्टरले उनको भूमिका शसक्त रहेको संकेत गरेको छ ।
पोस्टरमा कलाकारहरू प्रवीण खतिवडा, शिशिर बाङ्देल, प्रकाश घिमिरे, अरुण लामा, अञ्जना बराइली, राज पौडेल, कविता आले, नूतन र राज थापा अटाएका छन् ।

पोस्टरमा हास्यव्यङ्ग्य र अत्यन्त आक्रोशित मुद्रामा समावेस भएकोले चलचित्रमा हास्य, सङ्घर्ष, र गम्भीर भावनाहरूको मिश्रण रहेको बुझ्न कठीन पर्दैन ।

चलचित्र ‘डोरी’को लेखन तथा निर्देशन अरुण लामाले गरेका हुन् । चलचित्रमा निर्माता दिनेश भट्टराई हुन् भने कार्यकारी निर्माताको रूपमा राज थापाले जिम्मेवारी सम्हालेका छन् ।
‘डोरी’मा स्क्रिप्ट डाक्टर मनोज पण्डितले लेखेका हुन् भने मुख्य सहायक निर्देशक दिनेश बहादुर रावतको रहेको छ ।