अभिनेत्री दिया पुनले सुटुक्क गरिन् विवाह

काठमाडौं
अभिनेत्री दिया पुनले सुटुक्क विवाह गरेकी छन् । उनले विवाह गरेको खबर सामाजिक सञ्जाल इन्स्टाग्राममार्फत दिएकी छिन् ।
अभिनेत्री पुनले पर्यटन व्यवसायी रुक्मान लामासँग तामाङ परम्पराअनुसार विवाह गरेकी छिन् ।
विवाह सुटुक्क गरेको भए पनि उनल यहीे आउँदो फागुन १ गते पोखरामा विवाह पार्टी आयोजना गर्ने बुझिएको छ ।
दिया र रुक्मान दुबैजनाले इन्स्टाग्राममार्फत विवाह सम्पन्न भएको जानकारी दिएका छन् । दिया र रुक्मानले ३ वर्षदेखिको प्रेम सम्बन्धलाई विवाहमा परिणत गरेका हुन् ।

‘वीर विक्रम’बाट चलचित्र क्षेत्रमा प्रवेश गरेकी अभिनेत्री पुनले मिस्टर झोले, मन्त्र, अन्तिम संस्कार र दयारानीलगायत चलचित्रमा अभिनय गरेकी छन् ।

अभिनेत्री दिया र व्यावसायी रुक्मानले ३ वर्षदेखिको प्रेम सम्बन्ध सफल बनाउदै विवाह गरेका हुन् ।