ललितपुर
यही शुक्रबारबाट देशभर प्रर्दशनको तयारीमा रहेको चलचित्र ‘जुनाः एक व्यथा’को नयाँ गीत ‘साली ज्यू’ सार्वजनिक भएको छ ।
बाल विवाह तथा महिला हिंसाविरुद्ध निर्माण गरिएको चलचित्र ‘जुनाः एक व्यथा’को रत्यौली गीत‘साली ज्यू’ मा पूर्णकला बिसीको स्वर, भीमबहादुर पौडेलको शब्द र बीबी अनुरागीको संगीत छ ।
रत्यौली खेल्दै गाइने झ्याउरे पाराको गीतको भिडियोमा बिनु कार्की, अस्मिता बस्नेत र नेहा गौतमको नृत्य छ ।
पश्चिमाञ्चल क्षेत्र वरपर प्रचलनमा रहेको यस रत्यौलीमा छोरी मान्छे लोग्ने मान्छे बनेर नाच्ने प्रचलन देख्न पाइन्छ । जसलाई ‘लुठो’ भन्ने गरिन्छ ।
रत्यौलीलाई प्रस्तुत गरिएको गीतमा एक केटीलाई केटाको गेटअपमा प्रस्तुत गरिएको छ ।
गोदावरी फिल्म प्रोडक्सन एण्ड रिसर्च प्रालिको व्यानरमा निर्माण भएको यो चलचित्रलाई दीपकप्रसाद घिमिरेले निर्माण गरेका हुन् ।
जीवन सेञ्चुरीको निर्देशन रहेको ‘जुना’मा अस्मिता ढकाल, कृष्णप्रसाद धिताल, देशभक्त खनाल, रश्मी भट्ट, अनिता बस्नेत, कमल बोहोरा र खगेन्द्र न्यौपानेको अभिनय छ ।
पर्वतको सालिजा ओख्रेनीमा छायांकन गरिएको चलचित्रमा राजबहादुर सानेको कथा, बीबी अनुरागी र रमेश सेञ्चुरीको संगीत, जीवन सेञ्चुरी र भीमबहादुर पौडेलको शब्द, अञ्जु पन्त, पूर्णकला बिसी र यदु राई लकान्द्रीको स्वर र रामेश्वर हुमागाईंको डिओपी छ ।
चलचित्रलाई वितरण एप्पल इन्टरटेनमेन्ट, रिच इन्टरटेनमेन्ट र एफडी कम्पनीले गर्नेछन् ।
प्रतिक्रिया