क्यारेबियन सागरमा शक्तिशाली भुकम्पको धक्का, सुनामीको चेतावनी

काठमाडौं
भर्खरै क्यारेबियन सागरमा शक्तिशाली भुकम्पको धक्का महसुस गरिएको छ ।
भुकम्पसँगै वरवारका विभिन्न देशहरुमा सुनामी आउने चेतावनी दिइएको छ ।
विविसीका अनुसार भर्खरै ७।६ म्याग्निच्युडको शक्तिशाली भूकम्प गएको हो ।

अमेरिकी भूगर्भ सर्वेक्षण यूएसजीएसका अनुसार भूकम्पको केन्द्रबिन्दु होन्डुरासबाट करिब ३० किलोमीटर उत्तर रहेको छ ।

भूकम्पपछि कोलम्बिया, केम्यान टापु, कोस्टारिका, होन्डुरास, निकारागुवा, र क्युबा लगायतका क्षेत्रहरूमा सुनामी चेतावनी जारी गरिएको छ ।

मुख्यगरी केम्यान टापु सरकारले भने सुनामी खतरा रहेको भन्दै, तटीय क्षेत्रका बासिन्दाहरूलाई स्थलतर्फ सर्ने आग्रह गरेको छ ।

यसअघि सन् २०१८ मा पनि ७।५ म्याग्निच्युडको भूकम्प यही क्षेत्रमा गएको थियो । त्यसबखत सुनामी पनि ल्याएको थियो ।