सासंद डा. तोसिमा ललितपुर केन्द्रित गतिविधिमा सक्रिय हुँदै

ललितखबर
आफूलाई केन्द्रिय नेताको रुपमा स्थापित गर्न संर्घषरत रास्वपाकी नेतृ तथा ललितपुर क्षेत्र नं. ३ की सासंद डा. तोसिमा पछिल्लो केही समयदेखि ललितपुरका विभिन्न कार्यक्रम र विकास निर्माणको विषयमा चासो देखाउन थालेकी छिन् ।
गएको दुई बर्षसम्म ललितपुरको स्थानीय समस्यासँग लगभग बेखबर रहेकी सासंद कार्की पछिल्लो समय विभिन्न गतिविधिमा सक्रिय बनेकी हुन् ।
ललितपुरका समस्या समाधानको लागि सञ्चार क्षेत्रको सहयोग चाहियो भन्दै केही दिनदेखि उनी सञ्चारकर्मी तथा पत्रकार भेटघाट गर्ने र यहाँका समस्या सुनाउन थालेकी छिन् ।
मध्य ललितपुरको नल्लु र टिकाभैरव क्षेत्रमा रहेको ढुंगा खानीबाट गुड्ने टिपरका कारण भैसेपाटी क्षेत्रमा सास्ती भएको भन्दै उनी प्रशासन धाउन थालेकी छिन् भने नख्खु करिडोर निर्माण गर्न सबै पक्षसँग छलफलमा छिन् ।
उनले ललितखबरका संवाददातासँगको भेटमा ललितपुरका विकास आयोजनाहरु सुस्त गतिमा अघि बढेको गुनासो गरिन् । ठैब हरिसिद्धि सडक र धापाखेल सातदोबाटो सडक विस्तारका आगि आफूले पहल गरेको भए पनि काम राम्रोसँग अघि नबढेकोमा उनको असन्तुष्टि थियो । आयोजनाका सन्दर्भमा भनिन्, ‘मैले समेत आयोजनाको काम कारवाहीबारे सम्बन्धित निकायमा सूचनाको अधिकार प्रयोग गरेर जानकारी माग्नु पर्ने अवस्था छ । सूचना मागेपछि टेण्डर आह्वान भएर भर्खर काम हुन थालेको छ ।’
सासंद डा.कार्की स्थानीय सरकार रहेको अवस्थामा यी आयोजनाका बारेमा गोदावरी नगरपालिका र ललितपुर महानगरपालिकाले चासो दिएर काम गराउन पहल गर्नुपर्ने बताउछिन् । उनी गोदावरी नगरपालिकाले खानी र क्रसरबाट करोडौं कर उठाउने तर महानगरका बासिन्दालाई धुलो खुवाउने गरेको बताउछिन् । भन्छिन्, ‘नगरपालिकाले टिपरलाई व्यवस्थित ढंगबाट चलाउने व्यवस्था गर्नुपर्ने हो । साथै धुलो धुवा रोक्न पनि आवश्यक काम गर्नु जरुरी छ । जुन नगरपालिकाले गरेको छैन ।’
क्ेही समय अघि केन्द्रको राजनीतिमा सक्रिय भइरहेका सासंद कार्कीको प्रभावकारिता देखिएको थिएन । उनी स्थानीय विकास प्रयासमा थोरै समय दिने गरेको गुनासो छ । साथै उनल भैसेपाटी वरपरको धेरै समस्या तर पाटन, ठैव हरिसिद्धि, ठेचो सुनाकोठीको जनाताको बारेमा चिन्ता नगरेको गुनासो सुनिने गरेको छ ।
निर्वाचनमा विजयी भए पनि स्थानीय समस्यालाई बेवास्त ागर्दै केन्द्र र स्वास्थ्यको विषयमा धेरै केन्द्रित हुने गरेको ललितपुरबासीको सुनासो सुनिन्छ ।