चलचित्र ‘कर्मा’को पोस्टरमा अभिनेता विपिन एक्सन अवतारमा

ललितपुर
चलचित्र ‘कर्मा’को पोस्टरमा अभिनेता विपिन कार्की उक्सन अवतारमा देखिएका छन् । निर्माणपक्षले चलचित्रका मुख्य कलाकार कार्कीको एक्सन अवतार समेट्दै दुईवटा पोस्टर सार्वजनिक गरेको हो ।

पोस्टरमा विपीन काकी ब्ल्याक जिन्स र फिट बडीमा हतियार बोकेर तम्तयार अवस्थामा देखिन्छन् ।

गेटअप, ड्रेसअप, फेसियल लुक्स र हातमा रहेका सर्ट गनले उनी एक्सन भूमिकामा रहेको प्रष्ट देखिन्छ । कलरसँग खेलिएको पोस्टरले पनि एक्सनको संकेत गर्छ ।

पोस्टरमा रहेको स्लोगन ‘ह्वाट गोज अराउन्ड, कम्स अराउन्ड’ले पनि बदलाको मुडमा मुख्य पात्र रहेको पुष्टि गर्छ ।

चलचित्र एक्सन विधामा निर्माण भएको हो भनेअभिनेता विपीन पहिलोपटक देखिनेछन् । भर्सटायल अभिनेताको परिचय बनाएका विपिनको यो चलचित्रले दर्शकलाई थप रोमाञ्चक बनाउने निश्चित छ । चलचित्र ‘कर्मा’लाई ‘अगस्त्य’का निर्देशक सौरभ चौधरीको निर्देशन गरिरहेका छन् ।

चलचित्र ‘कर्मा’ चैत २९ गते प्रर्दशन हुनेछ । यो चलचित्रमा विपीनसँगै उपासना सिंह ठकुरी, मुकुन भुसाल, दिव्यदेवलगायत कलाकारको अभिनय रहेको छ ।

मुकुन यो चलचित्रमा नेगेटिभ क्यारेक्टरमा छन् । एक्सन ड्रामा जनरामा निर्माण भैरहेको सिनेमाको कथा निर्देशक चौधरी स्वयंले लेखेका छन् ।

आर्टिस्टिक इनटरटेनमेन्टको प्रस्तुति रहने ‘कर्मा’मा वसन्त लम्सालको लगानी रहनेछ । निर्देशक चौधरीको ‘अगस्त्यः च्याप्टर १’ले दर्शक र समीक्षकको राम्रो प्रतिक्रिया पाएको थिए ।