सामाजिक सञ्जालमा छछल्कियो अभिनेता दिपक र दिपाको प्रेम

काठमाडौं
लामो समयदेखि नेपाली चलचित्र क्षेत्रमा अभिनेता दीपकराज गिरी र दीपाश्री निरौलाको सहकार्य रह्यो । यी दुई बीच लामो समयसम्म अनस्क्रिन जोडीको रुपमा जोडी स्थापित भयो । रेडियोमा धनियाँ र रामविलासदेखि टेलिचलचित्र ‘तीतो सत्य’मा उनीहरुको जोडी सथापित भयो । उनीहरु चलचित्र छ एकान छ हुँदै ‘छक्कापञ्जा’ श्रृंखलाभर साथमा रहे ।
अभिनेता दिपक विवाहित हुन् । उनको छोराछोरी अहिले ठूलो भइसके । तर दिपा अझैं अविवाहित छिन् । धेरैले दिपक दिपालाई वास्तविक जीवनको जोडीको रुपमा समेत लिन्छन् ।
आज प्रयय दिवस । यी जोडीले पनि सामाजिक सञ्जालमा प्रेमाभाव प्रकट गरेका छन् ।

निर्देशक समेत रहेकी दीपाले इन्स्टाग्राममा दीपकसँग प्रेमभावमा रहेका आफ्नो फोटो सेयर गर्दै ‘ह्याप्पी भ्यालेन्टाइन्स डे’ भन्दै लेखेकी छन् । दीपक र दीपा रोमान्टिक भावमा रहेको यो तस्विरले उनीहरुबीचको प्रेम झल्काएको छ । हाल अमेरिकामा रहेका फेशन फोटोग्राफर राजीव श्रेष्ठले खिचेको यो तस्विर ताजा होइन ।

दिपा राजधानीमै छिन् । उनी विहीबार राजधानीमा आयोजित चलचित्र दुःखी आत्माको प्रिमियरमा सहभागी थिइन् । दीपक अहिले घुमघामका क्रममा अस्ट्रेलियामा छन् ।