शानदार मःम पसलमा आगलागी घटनाः थप एकजनाको मृत्यु

काठमाडौं । काठमाडौंको कमलपोखरीस्थित शानदार मःमको भवनमा आगलागीबाट घाइते थप एक जनाको मृत्यु भएको छ।

काठमाडौं जिल्ला प्रहरी परिसरका प्रवक्ता तथा एसपी अपिलराज बोहराका अनुसार शुक्रबार दिउँसो साढे २ बजे उपचारका क्रममा अर्का एक जनाको मृत्यु भएको हो ।

मृत्यु हुनेमा उदयपुरको उदयपुरगढी गाउँपालिका–७ घर भइ हाल काठमाडौं महानगरपालिका–२८ बस्ने २२ वर्षीय प्रदीप तामाङ रहेका छन् ।

उक्त विस्फोटमा परेर ११ जना घाइते भएका थिए ।

अन्य घाइतेको उपचार जारी छ ।