चलचित्र ‘कर्मा’ चैत २९ देखि विश्वभर प्रर्दशन सुरु हुने

काठमाडौं 
चलचित्र ‘कर्मा चैत २९ गते नेपालसहित विश्वभर प्रदर्शन हुने घोषणा गरिएको छ ।
निर्माण पक्षका अनुसार ८५ दिनपछि चलचित्रको छायांकन पुरा भएको हो । चलचित्रको छायांकन दाङ र काठमाडौंमा गरिएको थियो ।
चलचित्र ‘अगस्त्य’का निर्देशक सौरभ चौधरीले यस चलचित्रको निर्देशन गरेका हुन् । चलचित्र ‘कर्मा’मा विपीन कार्की, उपासना सिंह ठकुरी, मुकुन भुसाल, दिव्यदेवलगायत कलाकारको अभिनय रहेको छ । अभिनेता मुकुन भुसाल चलचित्रमा नेगेटिभ चरित्रमा देखिदैछन् भने चलचित्रमार्फत अभिनेता विपीन कार्की एक्सन भूमिकामा देखिदै छन् । भखैरै सार्वजनिक पोस्टरमा विपिनलाई एक्सन अवतारमा देख्न सकिन्छ ।
चलचित्रकोे कथा निर्देशक चौधरीको रहेको छ । आर्टिस्टिक इनटरटेनमेन्टको प्रस्तुति रहने चलचित्र ‘कर्मा’मा वसन्त लम्सालको लगानी रहेको छ ।
सोही समयमा प्रदिप खड्का र दिव्या रायमाझी अभिनित चलचित्र पिताम्बर पनि प्रर्दशनको तयारीमा छ ।