चलचित्र ‘मायावी’को राजधानीमा भव्य प्रिमियर(तस्विरहरु)

चापागाँउ
चलचित्र ‘मायावी’को राजधानीको किर्तीपुरस्थित एक चलचित्र भवनमा भव्य प्रिमियर आयोजना गरिएको छ ।

सोमबार साँझ चलचित्र भवनपरिसर फूलै फुलले सझाइएको थियो भने सहभागी पाहुनालाई हाकुपटासी लगाएका स्थानीय कलाकारहरुको धिमेबाजाको धुनले स्वागत गरिएको थियो ।
प्रिमियरमा पुर्वमिस नेपाल उषा खड्गीदेखि महानायक राजेश हमालसमेत सहभागी थिए ।

प्रिमियरमा चलचित्रकी अभिनेत्री दिपिका प्रसाई बेहुली झैं सझिएकी थिइन् भने अभिनेत्री करिष्मा श्रेष्ठको हट ड्रसअफ हेर्नलायक थियो ।
चलचित्र हेरेपछि कलाकारहरुले चलचित्रको प्रशंसा गर्दै राम्रो लागेको प्रतिकृया दिए ।

प्रिमियरस्थलमा पत्रकार तथा सञ्चारकर्मीहरुको बाक्लो उपस्थित रहेको थियो ।