सुन्दरीजलमा टिपर र बोलेरोमा च्यापिएर युवकको निधन

काठमाडौं
काठमाडौंको सुन्दरीजलमा टिपर र बोलेरोको कारण एक मोटरसाइकल चालक युवकको ज्यान गएको छ ।

प्रहरीका अनुसार काठमाडौंको गोकर्णेश्वर नगरपालिका–१ सुन्दरीजल बिपिचोकबाट एक टिपरले बोलेरो तानेर गन्तव्यतर्फ लैजाने क्रममा मोटरसाइकल च्यापिएर युवकको निधन भएको हो ।
शुक्रबार बेलुकी बा.५ ख ११६८ नम्बरको टिपरले टुचिन लगाई गोकर्णतर्फ तान्दै ल्याउँदै गरेको बा.१२ च २६९७ नम्बरको बोलेरो गाडीमा बा.४८ प ३६४० नम्बरको मोटरसाइकल ठक्कर खाएको थियो । सो दुर्घटनाका क्रममा मोटरसाइकल चालक कागेश्वरी मनोहरा नगरपालिका–१ सानीटारी बस्ने ३७ वर्षीय अनुज ढकालको निधन भएको थियो ।
दुर्घटनामा गम्भीर घाइते भएका उनको नेपाल मेडिकल कलेज अत्तरखेलमा उपचारको क्रममा मृत्यु भएको हो ।
प्रहरीले टिपर र बलेरो गाडीका चालकलाई नियन्त्रणमा लिएर कानूनी कारवाही सुरु गरेको जानकारी दिएको छ ।