राजधानीमा चलचित्र ‘११ः५५’को प्रिमियरमा देखिएको दृश्य

काठमाडौं
प्रर्दशनको तयारीमा रहेको चलचित्र ‘११ः५५’को राजधानीको कमल पोखरीस्थित एक चलचित्र भवनमा भव्य प्रिमियर गरिएको छ ।
प्रिमियरमा थुप्रै कलाकार, पत्रकार, सञ्चारकर्मी र शुभेच्छुकहरु सहभागी भए ।
चलचित्र हेरेपछि पूर्व मिस नेपाल तथा नायिका मलिना जोशी,दिपक आचार्यले अन्तिमसम्म बसेर सञ्चारकर्मीहरुसँग बोल्दै चलचित्रको प्रशंसा गरिन् । अभिनेत्री समेत रहेकी करिश्मा श्रेष्ठ, श्रृष्टि श्रेष्ठ, अभिनेता महेश त्रिपाठी र डेब्यू कलाकार सागर खनाललगायत लामो समयसम्म सहभागी सञ्चारकमीहरुलाई चलचित्रको विषयमा धारणा राखे ।
चलचित्र हेर्ने क्रममा अधिकाशंले हल छोडेर फर्केका देखिन्थ्यो । अन्तसम्म बसेर सञ्चारकर्मीहरुसँग प्रतिकृया दिने कलाकार थोरै थिए । चलचित्र हेरिरहेका सहभागीहरुले चलचित्रको दृश्य र संवाद बोल्ने क्रममा कही कतै हुटिङ गरेको सुनिएन । सिटी पनि बजेन ।
चलचित्रको अन्तिम दृश्यि भन्दा ५ मिनेट अघि नै दर्शकले हल छोडेको देखिन्थ्यो । छोटो मध्यान्तरपछि पनि सहभागीहरु क्याफेतिर बरालिरहेको देख्न सकिन्थ्यो ।
चलचित्रमा एउटा घटनालाई केन्द्रविन्दुमा बनाइएको छ । अभिनेता महेश त्रिपाठी, श्रृष्टी श्रेष्ठ, करिश्मा श्रेष्ठ, र डेब्यू कलाकार सागर खनाललगायत पात्रहरुवरपर घुमेको चलचित्र ‘११ः५५’ सस्पेन्स थ्रिलर विधा(जनरा)मा निर्माण गरिएको छ । चलचित्रको लेखन तथा निर्देशन केशव पाण्डेले गरेका छन् ।