भक्तपुरमा बोडे बस्ने ओमप्रकाश राई मृत फेला, कान र टाउकोमा चोट

भक्तपुर । भक्तपुरमा एक पुरुष मृत फेला परेका छन्। मध्यपुरठिमी नगरपालिका ९ बोडे निलबाराहीस्थित पिकनिक स्थलको पार्किङमा आइतबार बिहान मृत फेला परेका हुन्।

बिहान ५ः५५ बजे खोटाङको केपिलासगढी गाँउपालिका २ घर भई हाल बोडे बस्ने ६६ वर्षका ओमप्रकाश राई मृत फेला परेको प्रहरीले जानकारी दिएको छ।
उनले कवाडीको सामान टिप्ने काम गर्ने खुलेको छ।

उनको दाइने कानको छेउ र टाउकोमा चोट देखिएको छ। प्रहरीले हत्याको आशंकामा अनुसन्धान अगाडि बढाएको छ।