काठमाडौं । सरकारले शुक्रबार तीनकुनेमा भएको प्रर्दशनलाई हिसांत्मक बनाउन पूर्व राजा ज्ञानेन्द्र शाहले भूमिका खेलेको भन्दै मुद्दा चलाउने तयारी थालेको छ ।
प्रर्दशनकारीहरुलाई उत्तेजित बनाएर सरकारी तथा व्यक्तिको सम्पती तोडफोड र आगजनी गरेको आरोप सहित मुद्दा चलाउने तयारीमा रहेको सरकारले उनको राहदानी समेत रद्द गर्ने प्रक्रियामा शुरु गरेको हो ।
शुक्रवारको आन्दोलन हिंसात्मक आन्दोलन भएको ठहर गर्दे उनलाई कारबाहीको दायरामा ल्याउने तयारी भएको छ । जसअनुसार उनिमाथि आन्दोलन हिसांत्मक बनाएको आरोपमा मुद्दा चलाएर अनुसन्धान हुनेछ । सरकारले छानबिन थालेपछि ज्ञानेन्द्र शाह विदेश भाग्ने योजना बनाएको सुचना आएको दाबी गरेको स्रोतले यसलाई रोक्न उनको राहदानी समेत रद्द गर्न थालेको जनाएको छ ।
राजावादीको आन्दोलन चर्किने संकेतपछि पूर्वराजा ज्ञानेन्द्रलाई कारवाही गर्न नेकपा एमाले र नेपाली काँग्रेससहितका सबै दल सहमत भएका छन ।
प्रतिक्रिया