भक्तपुरको गुण्डु जंगलमा अपरिचित युवकको शव फेला

भक्तपुरको गुण्डु जंगलमा एक अपरिचित युवकको शव फेला परेको छ ।
सो जंगलमा हालसम्म नाम, थर, वतन नखुलेका अन्दाजी ४५ वर्षीय पुरूष शनिबार मृत अवस्थामा फेला परेका हुन् ।
प्रहरीका अनुसार भक्तपुरको सूर्यबिनायक नगरपालिका ७ गुण्डु नाक्केडाँडा जंगलस्थित खानेपानी ट्याङ्की उनको शव फेला परेको हो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।