अभिनेता दिपकराजले सामाजिक सञ्जालमार्फत आफूलाई भने ‘राजावादी’

नेपाली चलचित्र क्षेत्रका चर्चित अभिनेता दिपकराज गिरीले आफूलाई राजावादी भएको उल्येख गर्दै सामाजिक सञ्जालमा वर्तमान राजनीतिक अवस्थाको कटाक्ष गरेका छन् ।
पछिल्लो समय राजावादीहरुको प्रर्दशन र आन्दोलनको पक्ष र विपक्षमा बहस चलिरहेको सन्दर्भमा उनले गणतन्त्रबादीहरुलाई नै कटाक्ष गर्दै लेखेका हुन् ।
यद्यपी उनले कुनै पक्षको समर्थन वा विरोध गरेका छैन । उनले पुर्वप्रधधानमन्त्रीहरु शेरबहादुर देउवा, केपी शर्मा ओली र पुष्पकमल दाहाललाई राजा भएको र उनीहरुको शासनलाई राजवादी भएर समर्थन गरेको उल्येख गरेका छन् । उनले सुरुआती दिनहरुमा आफू नेविसंघको राजनीतिमा होमिएको समेत साविती वयान दिउका छन् ।
अभिनेता दिपकराज लेख्छन् :
आज म लेख्दैछू ….
सर्वप्रथम म राजाबादीको तर्फबाट यॉहाहरूलाइ नमस्कार !!!
२०४६ सालको आन्दोलनमा राजाको पक्षमा लागेर के के उपद्रो गरियो यहॉ उल्लेख नगरौ! मेरो राजाबादी यात्रा ठोस रूपमा २०४६ पछि सुरू भएको हो !
मूलूकमा प्रजातन्त्र स्थापना पछि राजनीति गर्ने रहर जागेर आयो , कुन बिचार र दललाइ अंगालौ भनेर अध्यन गरियो र अन्त्यमा अहिलेका चर्चित शेर बहादुर “राजा”को पार्टी रोजियो, यस क्रममा गॉउ सचिब हूदै, नेबिसंघ काठमाण्डू जिल्ला सदस्य समेत भइयो, करिब एक दशक शेर बहादुर राजाकै पछि लागेपछि मेरो यात्रा राजनीति बाट कलाकारीता तर्फ मोडियो र सम्पूर्ण राजनीतिक क्रियाकलाप लाइ पूर्ण बिराम दिइयो !
कुनै पनि राजनीतिक गतिविधिमा लागिएन!
त्यसपछि २०६२ ÷६३ आयो , त्यतिबेला मूलकनै संकटमा परेको आभास भयो र प्रचण्ड राजाको क्रान्तिकारी तेजबाट प्रभाबित भइयो र उनीलगायतका नेताहरूको आव्हानलाई साथ दिइयो र तत्कालीन राजसत्ता बिरूद्ध लेखियो, बोलियो, हिडियो पनि !!
त्यति बेला फेरी एकपल्ट राजाबादी भइयो!
त्यसपछि पालो आयो केपि राजाको, उहॉको तार्किक शक्ति र शैलीको फ्यान परियो! धेरै ठॉउमा उहॉको तारिफ गरियो ।
चुच्चे नक्साको सबालमा त उहॉको समर्थन गरेर पटक पटक राजाबादी भइयो! हाल कुनै पनि दल संगको सामिप्यता नरहे पनि आफ्नो मझयअचबतष्अ तजयगनजत लाइ कहिलै मर्न दिइएन! अब अस्तिको कुरा गरौ ।
आन्दोलनको ठिक एक दिन अघि एउटा कल आयो ,एउटा बौद्दिक भेला हूदैछ जस्ले हाल देखिएको राजनीति धुर्बिकरणको बारेमा छलफल गर्नेछ, तपाइको बिचार के छ राख्नु होला भनियो !
त्यहॉ गएपछि आफ्नो स्वभाव बमोजिम सधैं झै स्पष्ट रूपमा सकारात्मक बिचार राखियो ! हाल समस्या त रहेको तर देश प्रचार गरे जस्तो पनि नबिग्रिएको, बिचार पोखियो ,चिया खाइयो अनि आइयो !
भोलीपल्ट बिहानै आफू फेरी एकपल्ट राजाबादी भैसकिएको आफूलाइ पत्तै भएन ! पछिल्लो समय बालेन आए, निर्बाचनमा उनलाइ पनि समर्थन नै गरियो !
पछि रबि आए ! उनलाई पनि समर्थन गरियो नै ! तर नयॉ बिचार, नयॉ मान्छे आउने बित्तिकै यहॉ गणतन्त्रलाई पखाला चल्न थाल्छ, प्रजातन्त्र नै खतरामा पर्छ !
यहॉ शासन ब्यबस्था संचालन गर्ने शैली राम्रो भएन भन्यो कि त्यो मान्छे गणतन्त्र बिरोधी हुन्छ कि त राजाबादी हुन्छ ! तपाइहरूको अस्वस्थ प्रतिस्पर्धा ले नै हो जनतामा नैराश्यता आएको ! यहॉ पूराना राजाको मझबलम बढाको तपाइहरूकै शासन शैलीले हो !
अन्त्यमा तपाइहरूले नै राम्रो संग राजकाज चलाउनुस ! तपाइहरू लाइ नै राजा मानिरहेकै छु र मानिरहन पॉउ र सधै राजाबादी भैरहन पॉउ!!
शुभदिन !!