गोकर्णेश्वर वर्कसपको पछाडि गाडिएको अवस्थामा भेटियो युवकको शव, ६ जना पक्राउ

काठमाडौं । सर्लाहीको चक्रघट्टा गाउँपालिका वडा नम्बर ८ का स्थायी बासिन्दा तथा हाल काठमाडौंको गोकर्णेश्वर नगरपालिका वडा नम्बर ५ बाहुनधारामा बस्दै आएका १९ वर्षीय राहुल साहको हत्या प्रकरणमा संलग्न ६ जनालाई प्रहरीले पक्राउ गरेको छ ।

साह चैत ११ गतेदेखि बेपत्ता भएका थिए । उनलाई खोजी गर्ने क्रममा चैत १५ गते गोकर्णेश्वर नगरपालिका वडा नम्बर ८ माकलबारीस्थित आरके टरसाइकल वर्कसपको पछाडि गाडिएको अवस्थामा शव फेला परेको थियो ।

प्रहरीले प्रारम्भिक अनुसन्धानका आधारमा लेनदेनको विवादकै कारण उनको हत्या भएको निष्कर्ष निकालेको छ । घटनामा संलग्न भएको आशंकामा प्रहरीले ६ जनालाई पक्राउ गरेको छ । पक्राउ परेकाहरूमाथि काठमाडौं जिल्ला अदालतबाट पाँच दिनको म्याद थप अनुमति लिई अनुसन्धान अघि बढाइएको प्रहरीले जनाएको छ ।

पक्राउ परेका व्यक्तिहरूः

१ निपु मण्डल (२२), सर्लाही चक्रघट्टा गापा १, हाल गोकर्णेश्वर नपा ५, बाहुनधारा ।
२ विजय यादव (१८), गोकर्णेश्वर नपा ६ ।
३ करन कुमार महतो (१८), गोकर्णेश्वर नपा ६ ।
४ जोधन मण्डल (२३), सर्लाही चक्रघट्टा गापा १, हाल गोकर्णेश्वर नपा ५ ।
५। उत्तम मण्डल (४५), गोकर्णेश्वर नपा १ ।
६। सुनिल शर्मा (२९), भारत बिहार, हाल गोकर्णेश्वर नपा ७, दक्षिणढोका ।