युवा पुस्तामा अझैं छ महानायक राजेश हमालको क्रेज

महानायक राजेश हमालसँग स्क्रिन शेयर गर्न पाउदा खुशी लाग्यो । उहाँसँग अभिनय गर्न ज्यादै सहज थियो । उहाँले धेरै कुरा सिकाउनु भयो

ललितखबर
पछिल्लो समय नेपाली चलचित्रमा युवा पुस्ताका नयाँ नयाँ अभिनेताको प्रवेश भइरहेको छ । महानायक राजेश हमालपछि विराज भट्ट,निखिल उप्रेती, आर्यन सिग्देल हँदैं दयाहाङ राई, अनमोल केसीदेखि पारसविक्रम बमजस्ता युवाहरु चलचित्र क्षेत्रमा प्रवेश भइसकेको छ ।
३४ बर्षअघि २०४७ सालबाट ‘युगदेखि युगसम्म’बाट चलचित्र सिने नगरीमा प्रवेश गरेका उनी पछिल्लो चलचित्र ‘नृसिंह अवतार’मा अभिनय गर्दैछन् ।
सोमबार राजधानीको एक कलेजमा चलचित्रको पोस्टर सार्वजनिक कार्यक्रममा महानायक हमालप्रति युवाको गज्जव क्रेज देखियो । ६० बर्षिय उमेर काटेका उनीसँग तस्विर खिचाउन र हात मिलाउन विद्यार्थीहरु तछाड मछाड गरेका थिए ।
महानायक हमालबारे युवा पुस्ताले धेरै जानकारी राख्ने गरेको पाइएको छ । कलेजपरिसरमा आयोजित कार्यक्रममा विद्यार्थी राजेश हमालबारे ८ वटा प्रश्न सोधिएको थियो । प्रश्नको जवाफ दिन विद्यार्थीहरुले तछाडमछाड गर्दै हात उठाएका थिए । राजेश हमालको पहलिो चलचित्रदेखि चर्चित संवादसम्म विद्यार्थीले सुनाएका थिए । प्रश्नको सही जवाफ दिने विद्यार्थिहरुलाई पुरस्कार समेत दिइएको थियो ।
नेपाली सिने क्षेत्रबाट उनलाई ‘महानायक’ पदवी पाएका छन् । जनस्तरबाट पाएको पदवीलाई वेला वेलामा विभिन्न कोणबाट चर्चा हुने गरे पनि लामो समयसम्म चलचित्र क्षेत्रमा अभिनेताको भूमिकामा टिक्ने अन्य कोही छैनन । आठबर्षपछि उनको नयाँ चलचित्र ‘नृसिंह अवतार’ जेठ ९ गतेबाट प्रर्दशनको तयारीमा छ ।

५०को दशकमा अभिनेत्री करिष्मा मानन्धरसँग राजेश हमालको जोडी सर्वाधिक चर्चित थियो । पछिल्लो चलचित्र नृसिंह अवतारमा मिस नेपाल समेत रहेकी अभिनेत्री नीति शाहले अभिनय गर्ने अवसर पाएकोमा खुशी व्यक्त गरिन् । भनिन्, ‘महानायक राजेश हमालसँग स्क्रिन शेयर गर्न पाउदा खुशी लाग्यो । उहाँसँग अभिनय गर्न ज्यादै सहज थियो । उहाँले धेरै कुरा सिकाउनु भयो ।’
कार्यक्रममा तीन वटा पोस्टर सार्वजनिक गरिएको थियो भने आगामी जेठ ९ गतेबाट चलचित्र प्रर्दशनको घोषणा समेत गरिएको थियो ।