चलचित्र ‘नरसिंहाः अवतार’को पोस्टरमा महानायक राजेश हमालको एक्सन

पछिल्लो समय नेपाली चलचित्रमा एक्सन विधा मौलाएको छ । दर्शकले एक्सनप्रधान चलचित्र मन पराएर हलमा टिकट काट्दै हेर्न थालेपछि पछिल्ला चलचित्रहरु एक्सनप्रधान बन्ने क्रम बढ्दै गएको छ ।
निर्माणाधिन चलचित्र ‘नरसिंहाः अवतार’को पोस्टरमा राजेश हमाल पनि एक्सन अवतारमा देखिएका छन् । पृष्ठभूमिका नरसिंहाको तस्विरसँगै उनी झोला भरेर उभिएका छन् । टिसर्ट लगाएका महानायक हमालको अनुहार र हातमा रगत बगिरहेको छ ।
चारैतिर शवहरुको बीचमा उभिएको महानायक हमाल लडिरहेको एक व्यक्तीको छातीमा टेकिरहेको दृश्यले चलचित्रमा दमदार एक्सन रहेको पुष्टि गर्छ ।
राजधानीको सो कलेजमा पोस्टर सार्वजनिकक कार्यक्रममा करिव पाँच सयभन्दा धेरै विद्यार्थीहरू सहभागी भएका थिए । कार्यक्रममा कलेजको भवनमा लामो पोस्टर टाँगेर सार्वजनिक गरिएको थियो । कार्यक्रममा अर्कानायक राज कटुवाल सहभागी पोस्टर समेत अनावरण गरिएको छ ।
आउँदो वर्षको जेठ ९ गतेबाट चलचित्र प्रर्दशन गर्ने घोषणा गरिएको छ ।
दिवाकर भट्टराइको लेखन तथा निर्देशनमा तयार भएको यस चलचित्रबाट महानायक राजेश हमालले ८ वर्षपछि नेपाली चलचित्र क्षेत्रमा पुर्नप्रवेश गर्दैछन् ।
चलचित्र राजेश हमालको साथमा सरोज खनाल, नीर शाह, राज कटुवाल, नीति शाह, सनिषा भट्टराई, उषा खड्गी, अर्जुन श्रेष्ठ, प्रशान्त ताम्राकार, रमेश चन्द सोडारी, प्रकाश कुँवर, राजिभ जंग बस्नेत, दीपा शाही, प्रभु श्रेष्ठ, अमित गिरी, एभेलिना खड्का, समाइरा थापा, आशा पौडेल लगायतका कलाकारको अभिनय रहेको छ ।