खेलाडी तुलसी गुरुङ तेक्वान्दोको ९ डान प्राप्त गर्ने पहिलो नेपाली बनेका छन् ।
कोरियाको सियोलास्थित विश्व तेक्वान्दो महासंघमा प्रयोगात्मक र लिखित परीषामा उर्तिण भए पछि उनी ९ डान प्राप्त गर्ने पहिलो नेपाली बनेका हुन् ।
तेक्वान्दोमा यो नै सबैभन्दा माथिल्लो र अन्तिम उपाधि हो ।
महासंघले सोमबार यसको नतिजा घोषणा गरिएको र प्रमाणपत्र भने यसवर्ष जुनमा आयोजना हुने कार्यक्रममा प्रदान गरिने बताइएको छ ।
ओलम्पियन दीपक विष्ट कुनै पनि नेपालीले हालसम्म ७ डानभन्दा माथि प्राप्त गर्न नसकेको बताउँछन् ।यो उपाधि प्राप्त गर्नु अत्यन्तै कठिन रहेको बताइन्छ ।
नेप्लिज तेक्वान्दो महासंघका अध्यक्ष दीपक खड्काले समेत तुलसी गुरुङबाहेक अरू कसैले ९ डान प्राप्त गरेको जानकारी नभएको बताउछन् ।
१७ वर्षको उमेरदेखि तेक्वान्दोमा सक्रिय गुरुङले ९ डान परीक्षा पास गर्न सफल भएकोमा खुसी व्यक्त गरे ।
६३ वर्षका उनी हङकङमा बसोबासरत छन् । उनी हङकङ तेक्वान्दोका प्रमुख प्रशिक्षकसमेत रहिसकेका छन् ।
प्रतिक्रिया