चर्चित गायक सुशान्तले गाए ‘कर्मा’को गीत– म पागलजस्तै भइसकेँ

काठमाडौं
पछिल्लो पुस्ताले मन पराएका गायिक हुन् – सुशान्त केसी । उनले यही नयाँ बर्षको पुर्वसन्ध्याबाट प्रर्दशनमा आउन लागेको चलचित्र कर्माको गीत गाएका छन् ।
सुशान्त केसीको युट्युब च्यानलबाट प्रशारणमा आएको ‘कर्मा’को गीत सार्वजनिक गरिएको हो ।
‘पागल’ बोलको प्रेमिल गीतमा लोकप्रिय गायक सुशान्त केसीको स्वर छ । गीतमा शब्द तथा संगीत पनि गायक केसीकै छ ।
विपीन कार्कीले उपासना सिंह ठकुरीलाई देख्नबित्तिकै मायामा पागल बनेको क्षणलाई गीतले पक्रेको छ । गीतको शब्द तथा लय सुशान्त केसीको आफ्नै स्वादमा रहेको छ ।
चलचित्रमा सुशान्तले गाएको यो पहिलो गीत हो ।

नयाँ वर्ष २०८२ को छेको पारेर चलचित्र ‘कर्मा’ आगामी चैत २९ गते नेपाललगायत संसारभर प्रर्दशन हुँदै छ ।
चलचित्र ‘कर्मा’मा विपीन र उपासनासँगै मुकुन भुसाल, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मालगायतको अभिनय रहेको छ ।
एक्सन विधामामा निर्माण भएको ‘कर्मा’ मा विपिन कार्कीले पहिलो पल्ट एक्सनमा उत्रेका छन् । सिनेमाको कथा निर्देशक चौधरी आफैँले लेखेका छन् ।
आर्टिस्टिक इनटरटेनमेन्टको प्रस्तुति रहने ‘कर्मा’ मा वसन्त लम्सालको लगानी छ ।
निर्देशक चौधरीको ‘अगस्त्यः च्याप्टर १’ले दर्शक र समीक्षकको राम्रो प्रतिक्रिया पाएको थियो ।