आफ्नै सहकर्मी पनि चिन्दैनन् राजेश हमाल ?

करिव ३४ वर्षपछि नेपाली चलचित्रका महानायक उपादी पाएका राजेश हमालले पछिल्लो पुस्तासँग चलचित्रमा सहकार्य गर्दै अभिनय छन् ।
नेपाली चलचित्रकी नयाँ कलाकार सनिसा भट्राई,नीति शाह र राज कटुवालजस्ता युवासँग हमालले चलचित्र नरसिंहा अवतारमा अभिनय गरेका छन् ।

पुरानो पुस्ताका अभिनेता राजेश हमालले नयाँ नयाँ कलाकारलाई नचिन्नु स्वभाविक नै हो । तर सोमबार राजधानीमा आयोजित एक कार्यक्रममा अलि फरक दृश्य देखियो ।
आफूले अभिनय गरेको चलचित्र नरसिंहा अवतारमा अभिनय गरेका सहकर्मीहरुको नाम समेत महानायक हमालले उच्चरण गर्न सकेनन् ।
कार्यक्रममा बोल्ने क्रममा उनले सहअभिनेता राज कटुवाललाई राज खड्का भन्दै सम्बोधन गरे । अभिनेत्री सनिशा भट्राईलाई जेनिसा भट्टराई भन्दै दर्शकलाई चिनाएपछि हाँसोले कार्यक्रमस्थल गुञ्जयमान बनेको थियो । वाल कलाकार एविना खड्काको नाम भन्न नसकेपछि हमालले माइकमै नाम भन्न लगाए ।
करिव ६० बर्ष पार गरेका महानायकलाई बुढ्यौली लागेर बिर्सने बानी परेको त हैन ? पोस्टरमा निराश बुढ्यौली अनुहारमा देखिएको अव राजेश हमालको युग सकिएको त हैन ?
तर हमाल नेपाली चलचित्र क्षेत्रबाट हत्तपत्त भाग्ने मनस्थितीमा छैनन । आफैले चलचित्र निर्माण गर्ने योजना बनाएका उनी सो कार्यक्रम स्थगित गरेर नरसिंहा अवतारमा अनुबन्धित भएको उनले बताए । उनले ठट्यौली पारामा भने,‘दिवाकर भट्राई जस्तो निर्देशक पाएपछि चलचित्र खेलौं न भनेर चलचित्र निर्माण स्थगित गरेको छु ।’