चलचित्र ‘कर्मा’को गीत ट्रेन्डिङमा

चलचित्र ‘कर्मा’को गीत युट्युव ट्रेन्डिङमा पुगेको छ ।
लोकप्रिय गायक सुशान्त केसीको स्वरमा रहेको चलचित्र ‘कर्मा’को गीत सार्वजनिक भएको २४ घण्टा नबित्दै युट्युब ट्रेण्डिङमा परेको हो ।

हेर्नुस् गीत :

सोमवार सुशान्त केसीको युट्युब च्यानलबाट सार्वजनिक गरिएको ‘पागल’ बोलको गीत युट्युबको म्युजिक सेक्सन अन्र्तगत ७ नम्बर ट्रेन्डिङ पुगेको गरेको छ ।
प्रेमिल गीतमा शब्द तथा संगीत पनि गायक केसीकै छ । मंगलबार अपरान्हसम्म गीतले ७ लाख ३० हजार दर्शक कमाएको छ । २४ घण्टा हाराहारीमा दर्शको यो साथले चलचित्रको प्रचारमा मनग्गे सहयोग मिलेको छ ।
पछिल्लो पुस्ताका परिचित गायक केसीले फरक स्वादको गीत पस्केका हुन् । गीतको भिडियोमा चलचित्रका मुख्य कलाकार विपीन कार्की र उपासना सिंह ठकुरी देखिएका छन् ।
नयाँ वर्ष २०८२ को छेको पारेर आगामी चैत २९ नेपालसँगै संसारभरका दर्शक माझ एकै पटक चलचित्र प्रर्दशन गर्ने तयारी छ ।
चलचित्र ‘कर्मा’मा विपीन र उपासनासँगै मुकुन भुसाल, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मालगायतको अभिनय रहेको छ ।
चलचित्रको कथा लेखन तथा निर्देशन सौरभ चौधरी आफैँले गरेका छन् ।
आर्टिस्टिक इनटरटेनमेन्टको प्रस्तुति रहने ‘कर्मा’ मा वसन्त लम्सालको लगानी छ ।
निर्देशक चौधरीको ‘अगस्त्यः च्याप्टर १’ले दर्शक र समीक्षकको राम्रो प्रतिक्रिया पाएको थियो ।