२१ चैत्र २०८१, शुक्रबार | Fri Apr 4 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

मनोरन्जन


अभिनेत्री उपासना सिंहलाई एक्सन भूमिका गर्ने रहर



 

अभिनेत्री उपासना सिंह ठकुरीलाई एक्सन भूमिका गर्ने रहर जागेको बताएकी छिन् ।
पछिल्ला दिनहरुमा एक्सन चलचित्रहरुले बजार पिटिरहेको सन्दर्भमा उनी एक्सन अवतारमा चलचित्रमा दृखिन आतुर रहेको बताइन् ।

अभिनेत्री उपासना सिंह ठकुरीले आफू ‘कर्मा’को एक्सन हेरेर प्रभावित भएको बताइन् । सेटमा कर्माको एक्सन सिन हेरेर आफू लोभिएको उनले बताइन् ।
“म कर्मामा एक्सन अवतारमा छैन । तर, कर्मामा जसरी एक्सन सिनमा काम भएको मैले देखेँ, मलाई निकै मनपर्यो,” अभिनेत्री उपासना भन्छिन्, “मैले आजसम्म एक्सन चलचित्रमा गरेको छैन । तर, अब काम गर्ने रहर छ ।”
एक्सन गर्ने नायकको अपोजिटमा रहे पनि आफू भने ‘कर्मा’मा एक्सन भूमिकामा नरहेको स्पष्ट पारिन् । तर, एक्सन सिनेमामा काम गरिरहँदा आफूलाई पनि एक्सन सिनेमामा काम गर्ने रहर भने पलाएको र त्यसको अफरको अपेक्षा रहेको बताइन् ।
“मलाई पनि एक्सन सिनेमामा काम गर्ने रहर छ । अरु क्यारेक्टर धेरै गरेँ । तर, अब एक्सन सिनेमाबाट अफर आओस भन्नेछ,” अभिनेत्री उपासना भन्छिन्, “म एक्सन सिनेमाबाट अफर आउँछ भन्ने पर्खाइमा छु ।”
उनले एक्सन चलचित्रबाट अफर आउने विश्वास समेत व्यक्त गरेकी छन् । सौरभ चौधरीले आफ्नो फिल्म खिच्दा त्यसको प्रभाव उपासनामा परेको हो । एक्सन सिनेमामा काम गर्न आफू जस्तो सुकै तयारी गर्न पनि तयार रहेको उनले बताएकी छन् ।
‘कर्मा’मा उपासना विपीन कार्कीको अपोजिटमा छिन् । कर्मा र उपासनासँगै ‘कर्मा’का सिंह ठकुरी, मुकुन भुसाल, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको अभिनय रहेको छ ।
नयाँ वर्ष २०८२ को छेको पारेर चलचित्र ‘कर्मा’ आगामी चैत २९ गते प्रर्दशन हुँदै छ । नेपाल र विदेशमा यो चलचित्र एकसाथ प्रदर्शन हुनेछ ।
चलचित्रको कथा निर्देशक चौधरी स्वयंले लेखेका छन् ।
निर्देशक चौधरीको ‘अगस्त्यः च्याप्टर १’ले दर्शक र समीक्षकको राम्रो प्रतिक्रिया पाएको थियो ।

 

प्रकाशित मिति : १९ चैत्र २०८१, बुधबार  ७ : ४५ बजे

तपाईसँग समाचार,विचार वा गुनासा छन् भने हामीलाई इमेल : lalittpurkhabar@gmail.com मा पठाउनु होला ।