२१ चैत्र २०८१, शुक्रबार | Fri Apr 4 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

मनोरन्जन


‘वसन्त’को प्रचारप्रसारमा खै त प्रभात ?



काठमाडौं
चलचित्रको प्रचारप्रसारमा पनि सिन्डिकेट हुन्छ । कसलाई प्रचारप्रसारमा लैजाने कसलाई नलैजाने कुरामा ।
बेला बेलामा केही कलाकारहरु प्रचार प्रसारमा धेरै समय खर्चनु परेको भन्दै दुखेसो पोखेको सुनिन्छ । कतिपय कलाकार समय मिलाउन नसकेर हैरान हुन्छन् ।
बेला बेलामा निर्माता निर्देशकले घरको काम गरे झैं कलाकारलाई हप्की दप्की र असमान व्यावहार गरेको भन्दै चित्त दुखाई रहेका पाइन्छ ।
यस्तै सिन्डिकेटको मारमा धेरै कलाकारहरु परेका छन् । कलाकार मात्र होइन निर्माताहरु पनि उतिकै मात्रामा पर्दै आएका छन् । यस पटक भने अभिनेता प्रभात पाल परेको देखिन्छ ।
यहीँ चैत २२ गतेबाट प्रदर्शनमा आउन लागेको चलचित्र हो ‘वसन्त’ । यसको प्रचारप्रचार गतिलो छैन। सुरुमा नाम घोषणा गर्दाको जस्तो चर्चा पनि छैन । यसका लेखक,निर्देशक तथा अभिनेता प्रकाश सपुत र स्वस्तिमा खड्का आफु निकट पत्रकारलाई अन्तरवार्ता दिइरहेका छन् । केहि दिन अघि प्रकाश सपुतका तीन दाजुभाई नै मिडियामा गफिएका थिए । तर यस चलचित्रका मुख्य अभिनेतामध्ये एक प्रभात पाल भने कँही कतै देखिएका छैनन् ।
यतिबेला उनी ‘मुग्लान’ चलचित्रको छायांकन गरिरहेका छन् । तर पनि आफ्नो चलचित्र चल्नै लाग्दा हैसेमा होस्टे गर्नुपर्ने हो । तर किन उनी यसमा अगाडि देखिदैनन भन्ने कुराको चर्चा न हो । यसअघि उनले खेलेको चलचित्र ‘डिसेम्बर फल्स’,‘सरि मम’मा मज्जाले प्रचारप्रसारमा लागेका थिए । त्यति मात्र होइन उनले हरेक विशेष शोमा पनि पुग्ने गरेका थिए । तर अडिसनबाट छानिएका‘वसन्त’को प्रचारमा किन जुटेनन् । आफ्नो चलचित्रको प्रचार त गर्दा उनैलाई फाइदा हुने हो ।
तर उनी प्रचारप्रसारमा खासै नदेखिदा कतै प्रकाश सपुत नै हावी भएर पाल छायाँमा परेका त होइनन् । कि उनीहरुबीच मनमुटाव छ ?
यसमा बारेमा दुवैले जानुन् तर आफ्नो चलचित्रको हो प्रचारप्रसारमा निर्माण टिमले नबोलाए पनि आफ्नो तबरबाट त गर्ने पर्ने हो ?
नत्र त जति चले पनि उहीँ महेश त्रिपाठी झैँ चर्चामा आउन दुई दशक कुर्नु पर्ला ।

 

प्रकाशित मिति : १९ चैत्र २०८१, बुधबार  १० : ३३ बजे

तपाईसँग समाचार,विचार वा गुनासा छन् भने हामीलाई इमेल : lalittpurkhabar@gmail.com मा पठाउनु होला ।