तीनकुने आन्दोलनमा पत्रकार सुरेश रजकको जलेरै निधन भएको पुष्टि

काठमाडौं । गत शुक्रबार राजावादीको तीनकुेन प्रदर्शनका क्रममा मारिएका पत्रकार सुरेश रजकको बुधबार पोस्टमार्टम गरिएको छ । त्रिवि शिक्षण अस्पताल महाराजगञ्जमा पोस्टमार्टम भएको हो । उनको पोस्टमार्टन नहुँदै उनलाई गोली लागेको भ्रामक हल्ला फैलिएपछि पोस्टमार्टम गर्नुअघि एक्स रे गरिएको थियो ।

एक्स रे गर्दा उनको शरिरमा गोली नलागेको पुष्टि भएको हो । त्यसपछि चिकित्सकहरूले पोस्टमार्टम गरेका थिए । उनको जलेरै निधन भएको पोस्टमार्टम रिपोर्ट आएको छ । साथै उनलाई मारेर जलाइएको भन्ने हल्ला पनि भ्रामक रहेको पुष्टि भएको छ ।

राजावादीले आगो लगाएका तीनकुनेस्थित भवनमा रजकको जलेर निधन भएको अवस्थामा शव फेला परेको थियो । त्यस प्रदर्शनका क्रममा कीर्तिपुरमा सविन महर्जनको पनि निधन भएको थियो । उनलाई भने गोली लागेको पुष्टि भएको थियो । महर्जनका परिवारले उनको शव बुझिसकेका छन् । अब रजकका परिवारले पनि शब बुझ्नेछन् ।