चलचित्र भवनमा भाडाका दर्शक, बोल्न थाले चलचित्रकर्मी

ललितखबर
हरेक शुक्रबार देशभरका चलचित्र भवनमा नयाँ नयाँ चलचित्रको प्रर्दशन सुरु हुन्छ । केही दिन अघिदेखि नै बुकिङ खेले पनि टिकट बिक्दैन ।
तर चलचित्र भवनमा दर्शकको भीड देखिन्छ । कलाकारहरु दर्शकसँग झुमेको नाचेको, सेल्फी खिचेको दृश्य सञ्चारमाध्यमहरुमा देखिन्छ । शुक्रबार र शनिबारसम्म चलेको चलचित्र आइतबार धेरै हलमा दर्शक भेटिदैन ।

पछिल्लो समय चलचित्र भाडाका दर्शक ल्याएर चलचित्र देखाउने चलन बढेको छ । आफ्नो चलचित्र राम्रो भएको भन्दै देखाउन केही निर्माता निर्देशक आफन्त साथीभाईदेखि कलेज र स्कूलका विद्यार्थीसम्म हलमा ल्याएर निःशुल्क चलचित्र देखाइन्छ ।
नेपाली चलचित्र हेर्ने दर्शक ज्यादै न्युन हुन थालेपछि चलचित्रकर्मीहरु नै चलचित्र निर्माण गर्नुभन्दा प्रर्दशन गर्न कठीन भएको स्वीकार गर्दै आएका छन् ।

 

पछिल्लो समय राम्रो कलाकारहरुले चलचित्र क्षेत्रलाई अघि बढाई रहेको छ । हामीलाई राम्रा कलाकारहरुको उत्कृष्ट चलचित्र हेर्ने छनौट छ

आजकलका दर्शक चलाख भइसके । महिनौं देखि कलाकारहरुले गर्ने प्रचारवाजी र फण्डा पत्याउदैनन् । शुक्रबार र शनिबार हलमा दर्शकको भीड र उत्कृष्ट रहेको प्रतिकृया सुनेपछि मात्रै चलचित्र हेर्न हलसम्म जाने गरेका छन् । यही प्रवृति बुझेका चलचित्रकर्मीहरु दुई दिन भिड देखाउन र आफ्ना मान्छे भेला पारेर सञ्चारमाध्यमहरुमा चलचित्र उत्कृष्ट रहेको भन्दै बोलाउने र रुवाउने चलन सुरु भएको छ । हरेक शनिबार राजधानीको
शनिबार राजधानीको वालाजु वा कीर्तिपुर क्षेत्रमा दर्शकको भीडमा कलाकारहरु चिच्चाएको, सेल्फी खिचेको र अंगालो हालेको दृश्यहरुलाई चलचित्रकर्मीहरु चलचित्र चलाउने नाटक मञ्चनको संज्ञा दिने गरेका छन् । चलचित्रकर्मीहरुले आफ्नो प्रसिद्धिको प्रचारका लागि शुभेच्छुकले महँगा उपचार दिएकोदेखि केक काटेर जन्मदिन मनाइदिएको समेत झुटो प्रचार गरेको विषयमा आलो्चना गर्ने गरेका छन् ।
आफ्नो मान्छेलाई टिकट निःशुल्क बाढ्ने, क्यामेराअगाडि रुन लगाउने र बढाई चढाई बोल्न लगाउने प्रबृतिविरुद्ध आवाज उठ्न थालेको छ ।

 

मैले अहिलेसम्म चलचित्र प्रर्दशन गरेपछि भाडाका दर्शक ल्याएर देखाएको छैन । हाम्रो यस्तो चलचित्रमा यस्तो गर्दैनौं

राजधानीको एक कार्यक्रममा सुरु भएको बहस सुन्दा चलचित्र चलाउन गरिने फण्डा र स्टनवाजीले नयाँ र व्यावसायिक चलचित्र निर्माण गरेर दर्शकसम्म पुग्न कठीन रहेको दृश्य देखिएको छ ।
चलचित्र कर्माका निर्देशक सौरभ चौधरी आफूलाई चलचित्र क्षेत्रको विकृतीहरुबारे अनविज्ञता प्रकट गर्छन् । उनी आश्वस्त पार्दै भन्छन्, ‘मैले अहिलेसम्म चलचित्र प्रर्दशन गरेपछि भाडाका दर्शक ल्याएर देखाएको छैन । हाम्रो यस्तो चलचित्रमा यस्तो गर्दैनौं ।’
चलचित्रका कर्माका निर्माता वसन्त लम्साल नेपाली चलचित्र क्षेत्रका यस्ता विकृती पत्रकारिता क्षेत्रले उजागर गर्न सल्लाह दिदै चलचित्र क्षेत्रका यस्ता विकृतिविरुद्ध बोल्नु पर्ने तर्क गर्छन् । यस्ता प्रबृतिको अन्धभक्त भएर समर्थन गर्दा चलचित्र क्षेत्रमा कलाकारिता मर्दै जाने भन्दै चिन्ता व्यक्त गरे । हामी चलचित्र कर्माप्रति विश्वस्त छौं । चलेन भने चलेन ठिकै छ । हामीले दर्शकको मन जित्न सकेनौं भनौला । अर्को चलचित्रमा गल्तीहरु सुधारौला । तर भाडाका दर्शक ल्याएर चलचित्र देखाउदैनौं ।

चलचित्र निर्माता तथा निर्देशक निश्छल बस्नेत भने पछिल्लो समय राम्रो चलचित्र बन्न सुरु भएको भन्दै खुशी व्यक्त गर्छन् । भन्छन्, ‘पछिल्लो समय राम्रो कलाकारहरुले चलचित्र क्षेत्रलाई अघि बढाई रहेको छ । हामीलाई राम्रा कलाकारहरुको उत्कृष्ट चलचित्र हेर्ने छनौट छ ।’