काठमाडौं । काठमाडौँबाट रामेछाप जाँदै गरेको बस काभ्रेको रोशीमा दुर्घटना हुँदा ११ जना घाइते भएका छन् । काठमाडौँबाट उमाकुण्ड गाउँपालिका बाम्तीभण्डार जाँदै गरेको बस बिहीबार बिहान रोशी गाउँपालिका-९ दाउन्नेस्थित बीपी राजमार्गमा दुर्घटना भएको हो ।
प्रदेश ३-०१–००६ ख १३३९ नम्बरको बस बिहान साढे ८ बजेतिर सडकबाट चिप्लिएर बाँसको झ्याङमा खसेको प्रहरीले जनाएको छ । घाइतेमध्ये एक जनाको अवस्था गम्भीर छ । सबै प्राथमिक स्वास्थ्य केन्द्र मंगलटारमा उपचार भइरहेको छ ।
बस चिप्लिएर खाँदबारीबाट काठमाडौँतर्फ आउँदै गरेको मे१ख ३३९४ नं को हाइस पनि ठोक्किएको थियो । हाइसका यात्रु भने सकुशल छन् । बस चालकलाई प्रहरीले नियन्त्रणमा लिएको छ ।
प्रतिक्रिया