काठमाडौं । हुन्डीको अवैध कारोबार गर्ने एक महिला पक्राउ परेकी छन् । पक्राउ पर्नेमा गोरखाको पालुङटार नगरपालिका–१०, वागडाँडाकी १९ वर्षीया करिना देवकोटा रहेकी छन् ।
आइतबार काठमाडौं महानगरपालिका–२२ स्थित न्युरोड क्षेत्रमा हुन्डीको अवैध कारोबार भइरहेको सूचनाको आधारमा पक्राउ गरिएको प्रहरीले जनाएको छ । शंकास्पद गतिविधि गरिरहेको अवस्थामा प्रहरी वृत्त जनसेवाबाट खटिएको टोलीले पक्राउ गरेको हो ।
उनको साथबाट नेपाली नगद नौ लाख रुपैयाँ, ६ लाख रुपैयाँको चेक बरामद गरिएको छ । घटनाका सम्बन्धमा जिल्ला अदालत काठमाडौंबाट पाँच दिन म्याद थप भइ अनुसन्धान भइरहेको प्रहरीले जनाएको छ ।
प्रतिक्रिया