अभिनेत्री अरुणिमा लम्सालको दोश्रो विवाह पनि असफल, सम्बन्ध विच्छेदको मुद्दा दायर

ललितखबर
अभिनेत्री अरुणिमा लम्सालको दोश्रो विवाह पनि असफलतातर्फ उन्मुख भएको छ ।
भर्खरै नेपाल भएकी अभिनेत्री लम्सालले श्रीमान् युवराज श्रेष्ठविरुद्ध अदालतमा सम्बन्ध विच्छेदको मुद्दा दायर गरेको जानकारी दिएकी छिन् ।
एक टेलिभिजन कार्यक्रममा बोल्दै लम्सालले वारेसमार्फत मुद्दा दायर गरेको बताइकी छिन् ।
उनले विवाहपछि श्रीमानका बारेमा धेरै मान्छेहरुबाट नकारात्मक कुरा सुनेको र सो तथ्यहरु खुलेपछि आफूले सम्बन्ध विच्छेदको निर्णय लिएको बताइन् ।
सुनसरीका कांग्रेस नेता समेत रहेका युवराजले विवाह अगाडि धेरै कुराहरू आफूलाई ढाँटेको अरुणिमाले आरोप लगाएकी छिन् । उनले भनिन्, ‘उहाँले अझैं पनि पुराना कुरा अस्वीकार गर्दैं ढाटिरहनु भएको छ । झुटो कुरा गर्ने व्यक्तिसँग म जीवन विताउन सक्दिन ।’
उनले श्रीमान्ले सम्बन्ध विच्छेद गर्न अस्वीकार गरेको बताउदै एक वर्षमा श्रीमान् श्रेष्ठले हस्ताक्षर नगरे स्वतः सम्बन्ध विच्छेद हुने प्रावधान रहेको बताइन् ।
उनले आफूले हतारमा निर्णय गरेको र हतारमै पछुताएको समेत प्रतिकृया दिएकी छिन् ।

अभिनेत्री लम्सालले केही समयअघि अमित अर्यालसँग पहिलो विवाह गरेकी थिइन् । उनीहरूबाट एक छोरी समेत जन्मेकी छिन् । पहिलो सम्बन्ध बिच्छेद सहमतीमै भएको उनको भनाई छ ।
पछिल्लो समय दुबैले छोरीलाई हेर्दै आएका छन् । सम्बन्ध विच्छेद पछि पनि अमितसँग राम्रो सम्बनध रहेको उनले बताइन् ।