१८ बैशाख २०८२, बिहिबार | Thu May 1 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

मनोरन्जन


चलचित्र ‘वसन्त’ असफल भएपछि प्रकाश सपुतले भने, ‘फेरि त्यही खाँडलमा जाकिएको महशुश भयो’



 

चलचित्र ‘वसन्त’ अभिनयसँगै डेव्यु निर्देशक गरेका गायक प्रकाश सपुतले सामाजिक सञ्जालमार्फत कुण्ठा पोखेका छन् ।

पछिल्लो समय उनको चलचित्रले राम्रो व्यापार गर्न नसकेपछिसामाजिक सञ्जालमार्फत फेरि त्यही खाँडलमा जाकिएको महशुश भएको बताएका हुन् । उनले निर्देशकको रुपमा वसन्तको कमिकमजोरीहरु सच्याउँदै एउटा अर्को चलचित्र बनाएर गुण र ऋण तिर्ने वाचा गरेका छन् ।

सामाजिक संजालमा उनले लेखेका छन्–‘२०८१ त मलाई पटक पटक जीवनमा जहाँबाट उठेको हो फेरि त्यही खाँडलमा जाकिएको महशुश भयो । तर पनि म उभिएको छु, किनकी, जीवन बाँकी छ, यात्रा बाँकी छ, जिम्मेवारी बाँकी छ, त्यसैले अहिले नै सबै माया र गाली गरेर नसक्नुहोस् है । अझै राम्रो काम गर्न बाँकी छ । अझै गल्ती गर्न बाँकी नै छ । वर्ष मात्र सकिएको हो, म सकिएको छैन । थोरै भएपनि म बाँकी नै छु है ।’

आफूले जातीय विभेदविरुद्धको बर्षको रुपमा विभिन्न श्रृजना गरेको र अवका दिनमा विविध विषयमा श्रृजना ल्याउने प्रतिबद्धता व्यक्त गरेका छन् ।

उनले लेखेका छन्,‘तपाइलाई मेरो गतिविधिहरू देखेर झनक्क रिस उठ्दा गाली गलौज गरेपनि तपाइको मनमा मेरो सिर्जना र म प्रतिको धारणा नकारात्मक छैन भन्नेमा विश्वस्त छु । किनकी, मेरो नियत नराम्रो छैन र तपाइको मन नराम्रो छैन ।’

चलचित्र विकास बोर्डको आँकडा अनुसार लगभग १ करोड ७७ हजार व्यापार गरेको छ ।

 

 

 

प्रकाशित मिति : २ बैशाख २०८२, मंगलबार  ९ : ४४ बजे

तपाईसँग समाचार,विचार वा गुनासा छन् भने हामीलाई इमेल : lalittpurkhabar@gmail.com मा पठाउनु होला ।