शंखरापुरमा श्रीमती र छोराछोरीमाथि खुकुरी प्रहार गरी फरार तामाङ नुवाकोटबाट पक्राउ

काठमाडौं । काठमाडौंको सानागाउँमा श्रीमती र छोराछोरीमाथि खुकुरी प्रहार गरेर भागेका व्यक्ति पक्राउ परेका छन् । रामेछापको खाँडादेवी घर भइ शंखरापुर नगरपालिका ९ सानागाउँमा डेरा बस्दै आएका पदमबहादुर तामाङलाई नुवाकोटबाट पक्राउ गरेको जिल्ला प्रहरी परिसर काठमाडौंले जनाएको छ ।

आइतबार राति उनले खुकुरी प्रहार गरी श्रीमती पुतली तामाङको हत्या गरेको आरोप छ। यस्तै खुकुरी प्रहारबाट ११ वर्षका छोरा र १० वर्षकी छोरी पनि घाइते भएका छन्। उनीहरुको ट्रमा सेन्टरमा उपचार भइरहेको छ। उनीहरुको अवस्था खतरामुक्त रहेको प्रहरीले जानकारी दिएको छ। पुतलीको भने त्यसै बेलुका मृत्यु भएको हो।