चलचित्र ’खेल’को प्रिमियरको अभिनेत्रीहरुको रमझम

काठमाडौं
बुधबार राजधानीको ठमेलस्थित एक सिनेमा घरमा अभिनेत्रीहरुको भीड थियो ।

थियटरबाट चलचित्रको पर्दामा अभिनय गरेका अभिनेत्रीहरु हेना नगरकोटी, मोनिका थापा, निकिता आचार्य, समापिका गौतम र सुरक्षा पन्तलगायत अभिनेत्रीहरु चलचित्र खेलको प्रिमियरमा सहभागी थिए ।
रंगीविरंगी पोशाकमा सझिएर सहभागी अभिनेत्रीहरुको हातमा बुकी देखिन्थ्यो । सहकर्मी कलाकारहरुले उनीहरुलाई बधाई दिइरहेका थिए । एक आपसमा शुभकामना दिइरहेको दृश्य देखिन्थ्यो ।
उनीहरु चलचित्र हेरेपछि प्रफुल्ल मुन्द्रामा देखिन्थे । एकअर्कामा बधाई साटासाट र फ्यान र फलोअर्सहरुसँग सेल्फी खिच्नमै उनीहरु व्यस्त थिए ।
प्रायः चलचित्रमा पुरुष पात्रहरुको बाहुल्य रहने चलचित्रको प्रिमियरमा अभिनेत्रीहरुको बोलवाला एउटा अनौठो दृश्य थियो । चलचित्रका पात्रहरुमा किरण श्रेष्ठ मात्रै अपवाद बनेर उभिएको देखिन्थ्यो ।
चलचित्रको सहायक पात्रको रुपमा अभिनेत्रीहरुको भूमिका देखिने गरेको नेपाली चलचित्रको यो दुर्लभ उपस्थिती हेर्नलायक थियो ।

प्रिमियरमा चलचित्रको कलाकर्मी, पत्रकारहरूको उपस्थिति थियो ।

प्रिमियरमा भारतबाट यसका निर्देशक अनुराग प्रधान उपस्थित थिए अर्की निर्देशक आस्था श्रेष्ठसहित निर्माण टिम सहभागी थिइन् ।

प्रिमियरमा निर्देशक प्रधानले आफूले बलिउडमा सिकेको ज्ञान नेपाली चलचित्रमा लगाएको बताए । अभिनेत्री सुरक्षा पन्तले युवाहरूले सच्चा मनले बताएको यो चलचित्र सफल हुनेमा विश्वास व्यक्त गरिन् । उनी चलचित्रले प्राप्त गरेको प्रतिक्रियाले आफू र ’खेल’ टिम पुलकित भएको बताइन् ।

प्रिमियरमा सुरक्षा पन्त, हेना नगरकोटीलगायत कलाकारहरूको अभिनयको पनि प्रशंसा भएको थियो

मिथिला शर्मा, भोलाराज सापकोटा, सरिता गिरी, किरण श्रेष्ठ लगायतको समेत अभिनय रहेको ‘खेल’ लाई अनुराग प्रधान र आस्था श्रेष्ठले संयुक्त रूपमा निर्देशन गरेका छन् ।
चलचित्र सिरुपाते कट्स प्रालिको ब्यानरमा निर्माण गरिएको हो, जसका निर्माताहरू लुइसराज महर्जन र आशिषराज महर्जन हुन् भने सह–निर्माताहरू कुणालराज गुरुङ र रहिशराज महर्जन रहेका छन् ।