चलचित्र ‘कोशेढुङ्गा’को पोस्टरमा अभिनेत्री सुरक्षाको अनौठो लुक्स

काठमाडौं
चलचित्रको प्रचारका लागि निर्माण पक्षले विभिन्न सामाग्री सार्वजनिक गर्छन् । तिनै प्रचार सामाग्रीले चलचित्रप्रति रुचि र उत्सुकता जगाउछ अनि दर्शकलाई हलसम्म पु¥याउछ ।
पछिल्लो समय चलचित्र ‘कोशेढुङ्गा’को एउटा रहस्यले भरिएको पोस्टर आएको छ ।
पोस्टरमा एउटा घर अनि चलचित्रकी मुख्य कलाकार सुरक्षा पन्तको अनौठो लुक्स देखिन्छ । उनी गाउँल मध्यम बर्गीय युवतीको रुपमा देखिएकी छिन् ।
.सुरक्षालाई ओड्ने ओडेर पछि फर्किएर हेरिरहेको अवस्थामा पोस्टरमा देख्न सकिन्छ । उनको लुक्सले उनी नवविवाहित जस्तो देखिन्छ ।
पोस्टरमा घरको पनि तस्विर राखिएकोले त्यस घर वरिपरि कथा घुमेको अनुमान लगाउन सकिन्छ । पोस्टरले चलचित्र ग्रामिण परिवेसको कथामा निर्माण गरिएको हो भन्न सकिने अवस्था छ ।
अभिनेत्री सुरक्षा पहाडको एक घरको आँगन छेउमा उभिएकी छन् । केही समय अगाडि छोडेर हिँडेको जस्तो घर देखिन्छ । आँगनमा देखिएको झारले यो अनुमान लगाउन सकिन्छ । तर, घर छोडेको धेरै भएजस्तो देखिँदैन ।
घर, पहाडमा बस्ने धनी व्यक्तिको जस्तो देखिन्छ । केही समय छोडिएको घर पुनः फर्किएर बस्नेगरी गएको हो कि भन्ने सामान्य अनुमान लगाउन सकिन्छ ।

बादलको घुम्टोमुनि पहाड, पहाडको फेदीमा रहेको घर, घरको आगनमा भर्खरै सहरबाट फर्किएकी एक नवविवाहित महिलाले गाउँ फर्किएर केही नयाँ काम गर्न खोजेको हो कि भन्ने अनुमान लगाउन सकिन्छ ।

सार्वजनिक गर्दै प्रदर्शन मिति घोषणा गरेको छ । चलचित्र यही भदौ १२ गते प्रर्दशन हुने भएको छ निर्माणपक्षले बिहीबार फस्र्ट लुक्सका रूपमा सिनेमाको पोस्टर बाहिर ल्याएको हो ।

सिनेमाको कथाबारे निर्माणपक्षले केही भने बताएको छैन । “पोस्टरले पक्कै पनि केही कुरा संकेत गरेको छ । यसलाई अहिले यतिमै सीमित गरौँ,” ‘कोशेढुङ्गा’का निर्देशक सरोज पौडेलले भने, “अलिकति बढी कथा हामी आउने अन्य सामग्रीबाट खोल्दै जानेछौँ ।”

चलचित्र ‘कोशेढुङ्गा’मा सुरक्षा पन्त, आर्यन सिक्देल, नीति शाह, प्रविण खतिवडा, ऋचा शर्मा, सरोज खनाल, विशाल पहाडी, लोकमणी सापकोटा, हिउँवाला गौतम, दिनेश काफ्ले, शेखर चापागाईं, सिरु विष्ट, उद्वव सापकोटा, सविता रेग्मी, सविन कट्टेल, विकास खनाललगायत कलाकारको अभिनय छ ।

महिलाप्रधान चलचित्रको मुख्य भूमिकामा सुरक्षा पन्त छिन् ।

नरदेवी फिल्मसको प्रस्तुति रहेको चलचित्रमा प्रेविल कँडेल र किशोर अनुराग निर्माता छन् । कार्यकारी निर्मातामा दिनेश खड्का रहेका छन् ।

‘पूर्ण बहादुरको सारङ्गी’का निर्देशकले निर्देशन गर्ने भएकाले ‘कोशेढुंगा’ चलचित्र प्रतिक्षित सिनेमा बनेको छ । सरोजले निर्देशन गरेको ‘पूर्ण बहादुरको सारङ्गी’ले नेपालमा मात्रै करिब ४७ करोड ५० लाख भन्दा बढी ग्रसकलेक्सन गरेको थियो । त्यसैले उनले निर्देशन गरेको यो चलचित्र कस्तो हुनेछ भन्ने धेरैमा चासो छ ।

यो चलचित्र नेपालसँगै विश्व बजारमा एक साथ प्रदर्शनमा आउने छ निर्माणपक्षले बताएको छ ।