प्रज्ञाको आँगनमा गायक सुजनको मिठो प्रस्तुती

काठमाडौं
राजधानकिो कमलादीस्थित नेपाल प्रज्ञा प्रतिष्ठानको आँगनमा चर्चित गायक गायक सुजन चापागाईँले मिठो प्रस्तुती दिएका छन् ।

गोधुली साँझमा प्रज्ञाको आँचनमा चलचित्र क्षेत्रका नाम चलेका कलाकारहरु उनको प्रस्तुती सुन्न उपस्थित थिए । अभिनेत्री मिरुना मगर, अञ्जना बराइली, परिक्षा लिम्बु,विपिन कार्कीसँगै उपसभामुख इन्दिरा रानामगर,सांसदहरू सुहान नेम्वाङ, अशोककुमार चौधरी, सोविता गौतमहरू पनि सहभागी भए ।

गायक चापागाईले ’लजाएर एक्लै किन बसेकी मायालु’, ’गाला पुक्क’,‘फूलहरू मुस्काउँछन् तिमीले देख्छौ र, ’एक्लै भएँ नि’ ’फूलथुंगे रानी’ , ’मखमली’ र ’काफ्ले’लगायत गीत सुनाएका थिए ।
सुजनको सुमधुर गीतसँगै दर्शकहरु मोवाइलको लाइट बालेर हात हल्लाउदै साथ दिएको देखिन्थ्यो । सुजनलाई गायनमा गायिका सलिना विकले साथ दिएकी थिइन् ।

करिब दुई वर्षपछि लाइभ कन्सर्टमा फर्किए सुजनले यही वैशाख २६ गते विश्वव्यापी प्रिदृशनको तयारीमा रहेको चलचित्र ’ऊनको स्वीटर’को प्रचार अभियानलाई साथ दिदै सो कन्सर्ट आयोजना गरेका हुन् ।

सुजन चापागाईँ एन्ड इन्फिनिटी साङ्गीतिक टिममा सुजनसँगै सञ्जीव बराइली, नकुल सिंह गुरुङ, प्रिन्स नेपाली, जगन्नाथ धौगोडा, दीपेन्द्र काफ्ले, सन्देश महर्जनले वाध्य सामाग्री बजाएर साथ दिएका थिए ।