चलचित्र ‘महाभोज’को निर्माण पक्षले माग्यो क्षमा, जेठ ३० गतेदेखि प्रर्दशन सुरु

काठमाडौं
चलचित्र ‘महाभोज’को निर्माण पक्षले निर्धारित मितीमा प्रर्दशन गर्न नसकेकोे क्षमा मागेको छ । अब चलचित्र यही जेठ ३० गतेदेखि प्रर्दशन सुरु हुने जानकारी दिइएको छ ,

पछिल्लो समय राजनीतिक परिस्थितिका कारण निर्धारित मिति जेठ १५ गते रिलिज हुन नसकेको नेपाली चलचित्र ‘महाभोज’ अब यही जेठ ३० गते देशभर प्रदर्शनमा आउने भएको हो ।
निर्माण पक्षले प्रर्दशन मिति सारिएको जानकारी सार्वजनिक गर्दै दर्शकहरूसँग क्षमा मागेको छ । यसै सन्दर्भमा, चलचित्रका निर्देशक दिनेश राउतले दर्शकको धैर्य र समर्थनका लागि आभार प्रकट गरे ।

निर्देशकले भने, ूहामीले धेरै मिहिनेतका साथ तयार पारेको चलचित्र ुमहाभोजु केही विशेष परिस्थितिका कारणले निर्धारित मितिमा प्रर्दशन गर्न सकेनौँ । दर्शकहरूप्रति यसबाट असहजता सिर्जना भएकोमा हामी क्षमा प्रार्थी छौँ ।ू

उनले थप भने, ूअब चलचित्र जेठ ३० गते रिलिज हुँदैछ । यो हाम्रो समाजको कथा हो, तपाईँहरूको साथ र मायाले मात्र हामी सफल हुन्छौँ । त्यसैले यही मितिमा नजिकको हलमा ुमहाभोजु हेर्न नबिर्सिनु होला ।ू

केही दिनअघि यो चलचित्रको काठमाडौंमा प्रिभ्यु शो आयोजना भएको थियो, जहाँ चलचित्र हेरेका दर्शकहरूले सकारात्मक प्रतिक्रिया दिएका थिए । यसमा सहकारी पीडितको कथा मात्र नभएर अत्यन्तै मनोरञ्जक समेत रहेको प्रतिक्रिया उक्त शोबाट प्राप्त भएको थियो ।

चलचित्र ुमहाभोजु मा समावेश कथा, प्रस्तुति शैली र कलाकारहरूको अभिनयले दर्शकमा चासो पैदा गरिरहेको छ। यस चलचित्रमा दयाहाङ राई, आर्यन सिग्देल, खगेन्द्र लामिछाने, अञ्जना बराइली, मलिका महत, गौमाया गुरुङ, वसुन्धरा भुसाल, मोहन निरौला लगायतका प्रमुख अभिनय रहेको छ ।क्लक वर्क क्रियसन र पिक्चर फ्रेमको प्रस्तुतिमा बनेको यस चलचित्रका निर्माता हिमाल कडरिया हुन् ।