३० लाख ठगी गरेको आरोपमा भक्तपुरबाट एक जना पक्राउ

भक्तपुर । डलर भन्दै ३० लाख रुपैयाँ ठगी गरेर फरार भएको आरोप लागेका व्यक्ति पक्राउ परेका छन् । पक्राउ पर्नेमा सिन्धुपाल्चोकको बाह्रबिसे नगरपालिका–३ घर भएका ३९ वर्षीय ताराबहादुर तामाङ छन् ।

उनलाई काठमाडौं उपत्यका प्रहरी कार्यालयको टोलीले भक्तपुरको दुवाकोटबाट पक्राउ गरेको हो । पक्राउ परेका तामाङलाई थप अनुसन्धान तथा कारबाहीका लागि पूर्वी नवलपरासी पठाइएको छ ।

उनले पूर्वी नवलपरासीको गैंडाकोट नगरपालिका–३ ढोडेनीमा सस्तो दरमा अमेरिकन डलर दिने भन्दै ठगी गरेको पाइएको अपराध अनुसन्धान कार्यालयले जनाएको छ ।

छेउमा एक दुई थान डलर राखेर भित्र काजगको बिटो पोको पारिएको थियो । उक्त बिटोलाई बाहिरबाट रुमालले बाँधिएको थियो । त्यही बिटो दिएर ३० लाख लिएर उनी फरार भएको आरोप छ ।