काठमाडौंमा दुई जनाको शव फेला

काठमाडौं
राजधानी काठमाडौंमा मंगलबार एकै दिन दुई जनाको शव फेला परेको छ ।
प्रहरीका अनुसार भीमसेन गोला र माछापोखरीमा एक पुरुष र महिलाको शव भेटिएको हो ।
प्रहरी बुटेदिनका अनुसार काठमाडौं महानगरपालिका ३१ भीमसेन गोलास्थित भत्केको पुलमुनी हाल नाम, थर र वतन नखुलेका अन्दाजी ४९ वर्षीय पुरूष सोमबार मृत अवस्थामा फेला परेका छन् ।
साथै,काठमाडौं महानगरपालिका १६ माछापोखरी बिगमार्ट नजिक डेरा गरी बस्ने नुवाकोट शिवपुरी गाउँपालिका ७ घर भएकी २७ वर्षीया रेणु सुनार आफ्नै कोठामा मंगलबार मृत अवस्थामा फेला परेकी छिन् ।
दुबै घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।