अवैध रुपमा अमेरिका बस्दै आएका ३७ नेपाली निष्काशित, नेपाल आइपुगे

काठमाडौं
अवैधरुपमा अमेरिकामा बस्दै आएका ३७ जना नेपाली नागरिक निष्काशित भएका छन् ।

उनीहरुलाई चार्टड जहाजमार्फत काठमाडौँ ल्याइएको छ ।

अमेरिकाले आइतबार साँझ ३७ नेपालीलाई ढाका हुँदै त्रिभुवन अन्तर्राष्ट्रिय विमानस्थल काठमाडौंमा ल्याएको हो ।
काठमाडौंस्थित अमेरिकी दूतावासले केही दिन अगाडी नै अमेरिकाबाट निष्काशित हुन लागेका नेपालीको बारेमा परराष्ट्र मन्त्रालयलाई जानकारी गराएको थियो ।

राष्ट्रपति डोनाल्ड ट्रम्पले आप्रवासीलाई कारवाही शुरु गरेपछि अवैध रूपमा अमेरिका बस्दै आएका नेपालीहरू पनि निष्कासनमा परेका छन् । यस अघि अमेरिकाले स सानो संख्यामा नेपालीलाई डिपोर्ट गरिरहेको भएपनि यति ठुलो संख्यामा डिपोर्ट गरेको भने पहिलो पटक हो ।

ट्रम्पले दोस्रो कार्यकाल शुरु गरेपछि अमेरिकाबाट यसअघि करिब १ सय ४० नेपाली डिपोर्ट भएका थिए ।