रूकुम पश्चिम पुगेकी गायिका रचना रिमाल बिरामी, हेलिकप्टरबाट काठमाडौं ल्याइयो

काठमाडौं । गायिका रचना रिमाल अस्पताल भर्ना भएकी छन्। सांगीतिक कार्यक्रमका लागि रुकुम-पश्चिम पुगेकी उनी बिरामी भएपछि अस्पताल ल्याइएको हो। सुर्खेतबाट नेपाली सेनाको हेलिकप्टर मगाएर उनलाई रुकुम पश्चिमबाट नेपालगन्ज लगिएकी रचनालाई मंगलबार बिहान काठमाडौँ ल्याएर अस्पताल भर्ना गरिएको स्रोतले जनाएको छ।

सोमबार रुकुम-पश्चिम पुगेकी उनले मंगलबार सानीभेरीको बेलटापुमा जारी महोत्सवमा प्रस्तुति दिने कार्यक्रम थियो। तर मंगलबार बिहान अचानक पेट दुखेपछि उनलाई काठमाडौं ल्याइएको हो। यतिखेर उनी काठमाडौँको ह्याम्स अस्पतालमा भर्ना भएकी छन्।