अभिनेता पल शाहले रद्द गरे चलचित्र ‘महाराजधिराज’

अभिनेता पल शाहले चलचित्र ‘महाराजधिराज’मा अभिनय गर्ने सम्झौंता रद्द गरेका छन् ।

गएको कार्तिक १४ गते छत्रेश्वरी म्यानेजमेन्टसँग अभिनेता शाहले चलचित्र ‘महाराजधिराज’मा अभिनय मुख्य भूमिकाका लागि सम्झौता गरेका थिए ।

आफूले निर्माण गर्न लागेको चलचित्र ‘यानीमाया’ र ‘महाराजधिराज’को छाँयाकनको समय एउटै परेकाले आपसी सहमतिमा सम्झौता रद्द गरिएको उनले सामाजिक सञ्जालमार्फत जानकारी दिएका छन् ।

उनले लेखेका छन्, ‘पल शाह फिल्मस्ले निर्माण गर्ने चलचित्र मा म जिम्मेवार निर्माता र कलाकारको रुपमा भुमिका निभाउनु पर्ने अवस्था भएकाले दुबै चलचित्रको सुटिङ एउटै समयमा जाने भएकाले एउटा फिल्म छोड्नुपर्ने अवस्था आएको छ⁠ । अब मेरो पहिलो प्रथामिकता ‘यानीमाया’ हुने छ ।’

उनले श्राबणको पहिलो साताबाट कथा, भुगोल,मौसमका कारण छायाँकनमा जानै पर्ने बाध्यतामा कारण आफूले सो चलचित्र छोड्नु गरेको प्रष्ट पारेका छन् ।

साथै, निर्माण कम्पनी छत्रेश्वरी म्यानेजमेन्ट र पल शाहबीच दुवै पक्षको आपसी सहमतिमा आजका मितिदेखि औपचारिक रूपमा अन्त्य गरिएको विज्ञप्ती प्रकाशन गरेर जानकारी दिएको छ ।

विज्ञप्तीमार्फत यस सम्झौताको अन्त्यसँगै, अब उप्रान्त यस विषयलाई लिएर दुवै पक्षबाट कुनै पनि प्रकारको कुराकानी हुने नगर्ने र तेस्रो पक्षबाट आउने कहाँ, किन, कसरी, कसलेजस्ता प्रश्नहरूको विषयमा दुवै पक्षले कुनै पनि उत्तर सम्झौता गरेका छन् ।

चलचित्रमा यस अघि रमेश उप्रेती, आर्यन सिग्देल, वर्षा राउत, वर्षा सिवाकोटी, पुष्प खड्का, जयकिशन वस्नेत लगायतका कलाकारहरु अनुबन्धित भइसकेका छन् ।
चलचित्र घोषणासँगै शाहको नांगो तस्विरसँगै पोस्टर सार्वजनिक गरिएको थियो । सो पोस्टरलाई लिएर विभिन्न टिकाटिप्पणी भएको थियो ।
यस चलचित्रका कथा लेखन तथा निर्देशन परिच्छेद सेन रहेका छन्