चलचित्र ‘सिटामोल’ निर्माण टिमले सुनाए कष्टकर क्षणहरु

ललितखबर

चलचित्र निर्माण गर्न साह्रै कठीन छ । पछिल्लो पुस्ता चलचित्र निर्माण गर्नुभन्दा पनि प्रर्दशन गर्न कठीन रहेको सुनाउछन् । देशसँगै संसारका विभिन्न देशमा प्रर्दशनको दौडधुप अनि प्रचार प्रसारको लफडा उत्तिकै हुन्छ ।
राजधानीमा चलचित्र सिटामोलका निर्माणमा सहभागीहरुले यस्तै दुखका कहानी सुनाए ।
चलचित्रका निर्देशक राज बहादुर सानेले खल्तीमा ५ हजार बोकेर चलचित्र छायांकनमा गएको संस्मरण राजधानीमा एक कार्यक्रममा सबैसामु सविस्तार वर्णन गरेक छन् ।
निर्देशक साने निर्माताहरुले चलचित्र निर्माणमा हात झिकेपछि पैसाको अभाव भएको र आफूले आँशु झरेको अनुभव साटेका छन् ।
अभिनेता सौगात मल्लले चलचित्र प्रर्दशन भएपछि पारिश्रमिक लिने शर्तमा थोरै रकम लिएर चलचित्र निर्माण गरेको सुनाउदै भन्छन्,‘गीत सार्वजनिक भएपछि अब चलचित्र प्रर्दशन हुने आशा पलाएको छ ।’ अभिनेता मल्लले चलचित्रका गीतहरु र कथा राम्रो भएकाले सफल हुने विश्वास व्यक्त गरे ।
निर्माताको दुःख बुझेपछि चलचित्रकी अभिनेत्री वेनिशा हमालले लिएको पारिश्रमिक फिर्ता गरौं कि ? जस्तो लागेको सुनाइन् । भनिन्,‘थोरै तर सम्मानजनक कोकनमनी दिनु भएको थियो । मलाई अहिले त्यो धेरै रहेछ भन्ने अनुभव भएको छ ।’
नवअभिनेता श्रीकृष्ण निरौलाले चलचित्र छायांकनको क्रममा आफू गम्भिर विरामी हुँदा कष्टकर अवस्था श्रृजना भएको सुनाए ।