काठमाडौं । मकवानपुरबाट लागूऔषध नाईट्राभेट २७० ट्याब्लेट र डाईजेपाम ४८ एम्पुलसहित एक जना पक्राउ परेका छन् ।
जिल्ला प्रहरी कार्यालय मकवानपुरबाट खटिएको प्रहरी टोलीले विशेष सूचनाको आधारमा मकवानपुर हेटौँडा महानगरपालिका-मा बस्ने ३० वर्षीय विकास देउलालाई सोमवार पक्राउ गरेको हो ।
प्रहरीका अनुसार देउलालाई शंका लागी शरीर तथा घर कोठा समेतको रितपूर्वक खानतलासी गर्दा कोठामा रहेको सोफा भित्र लुकाई छिपाई राखिएको अवस्थामा नाईट्राभेट २७० ट्याब्लेट र डाईजेपाम ४८ एम्पल फेला परेको थियो । उक्त लागू औषध बरामद गरी उनलाई हाल नियन्त्रणमा लिइ लागू औषध सम्बन्धी कसुर मुद्दामा थप अनुसन्धान तथा कारबाही भइरहेको प्रहरीले जनाएको छ ।
प्रतिक्रिया