वीरगञ्ज
आफ्नै श्रीमतीलाई घाँटी थिचेर हत्या गरेको अभियोगमो जगरनाथपुर गाउँपालिका ४ का सफिराजा मियाँ पक्राउ परेका छन् ।
शनिबार राती श्रीमती लालबीबी खातुनको हत्या गरेको अभियोगमा उनलाई आइतबार प्रहरीले पक्राउ गरेको हो ।
जिल्ला प्रहरी कार्यालयका प्रवक्ता किशोर लम्सालले मियाँलाई पक्राउ गरी आइतबार नै जिल्ला अदालतबाट पाँच दिनको म्याद थप गरेर अनुसन्धान भइरहेको जानकारी दिएका छन् ।
“प्रहरीको प्रारम्भिक अनुसन्धानले लामो समयदेखि श्रीमान् श्रीमतीबीच बोलचाल नभएको थाहा भएको छ,’’ उनले भनेका छन्, ‘‘श्रीमान लामो समयदेखि बाहिर काम गरेर घर फर्किँदा श्रीमतीले राम्रो व्यवहार नगर्ने, वास्ता नगर्ने भन्दै रिसको आवेगमा कर्तव्य ज्यान गरेको हुनसक्ने देखिएको छ ।’’
प्रतिक्रिया