काठमाडौंको ढुङगेअड्डामा मोटरसाइकल दुर्घटनापछि चालकको निधन भएको छ ।
प्रहरीका अनुसार काठमाडौंको चन्द्रागिरी नगरपालिका १५ ढुङगेअड्डास्थित सडकमा बा.प्र.०२ ०४९ प ४९५७ नम्बरको मोटरसाइकल आइतबार राति दुर्घटना हुँदा चालक हुम्ला घर भएका २२ वर्र्षीय धिरेन्द्र भियालको निधन भएको छ ।
दुर्घटनामा गम्भीर घाइते भएका उनको शहिद मेमोरियल हस्पिटलमा उपचारको क्रममा निधन भएको हो । उक्त मोटरसाइकल ना.६ ख ८६७४ नम्बरको ट्रक र बा.६३ प २०७७ नम्बरको मोटरसाइकलसँग एकआपसमा ठक्कर खाई दुर्घटना भएको थियो ।
साथै दुर्घटनामा घाइते भएका अर्को बा.६३ प २०७७ नम्बरको मोटरसाइकल चालकको शहिद मेमोरियल हस्पिटलमा उपचार भइरहेको छ । ट्रक चालकलाई प्रहरीले नियन्त्रणमा लिएको छ ।
प्रतिक्रिया