ललितपुरको लेले खेतमा महानायक राजेश हमालको लडिबुडि( तस्विरहरु)

नेपाली चलचित्र क्षेत्रका महानायक राजेश हमाल धान दिवसको सन्दर्भ पारेर ललितपुरको लेले आएका छन् ।

विश्वकै पहिलो कृषि रियालिटी शो ‘र’ र गोदावरी नगरपालिकाले सम्पन्न गरेको धान दिवस उनी सहभागी भएका हुन् ।

धान दिवसको औपचारिक कार्यक्रममा बोल्दै हमालले पछिल्लो पुस्ता कृषि पेशाबाट पलायन हुँदै भएको भन्दै दुःख व्यक्त गरे । नेपालको उन्नती कृषिबाट मात्रै सम्भव भएको तर्क गर्दै महानायक हमालले कृषि पेशा पुख्यौली रुपमै ज्ञान आर्जन हुँदै गएकोमा अब टुट्न थालेको भन्दै चिन्ता व्यक्त गरे ।

भने, ‘अहिले बच्चाहरुले दुध कहाँबाट आउँछ ? भन्दा प्याकेटबाट चामल कहाबाट आउँछ भन्दा बोराबाट भन्न थालेका छन् । यो एउटा दुखद घटना हो ।’
गोदावरी नगरपालिकाका मेयर गजेन्द्र महर्जनले नगरभित्र कृषिलाई प्राथमिकता दिएको दाबी गर्दै आधुनिकीकरणमा काम गरेको बताए ।

लेलेको खेलमा पुगेका महानायक हमालले खेलमा धान रोपेका थिए भने सहभागीसँग हिलो खेलेका थिए । धान दिवसको अवसरपारेर आयोजकले डोरी तान्ने र दौड प्रतियोगिता समेत आयोजना गरेको थियो । राजेश हमालको टिमले डोरी तानेर गोदावरी नगरपालिकाको टिमलाई हराएको थियो ।
सो अवसरमा मुक्तिनाथ कृषि कम्पनीले ड्रोनबाट खेलमा औषधि राख्ने विधि देखाएको थियो ।

कार्यक्रममा नगरपालिकाभित्रका स्थानीय, कृषि रियालिटी शो ‘र’का प्रतिनिधि र सञ्चारकर्मी तथा पत्रकारहरुको बाक्लो उपस्थिती रहेको थियो ।