काठमाडौं । यातायात व्यवस्था विभागले सवारी चालक अनुमतिपत्र (लाइसेन्स) सम्बन्धी प्रणालीमा समस्या देखिएपछि सबै सेवा अस्थायी रुपमा बन्द गरेको छ।
विभागले शुक्रबार एक सूचना जारी गर्दै ईडीएल प्रणाली, अनलाइन आवेदन प्रणाली तथा अत्यावश्यक लाइसेन्स प्रणालीसमेतका सबै सेवा बन्द भएको जानकारी गराएको हो।
सूचनामा भनिएको छ, ‘सवारी चालक अनुमतिपत्रसँग सम्बन्धित सबै सेवा बन्द भएको व्यहोरा जानकारी गराइन्छ।’ प्रणालीमा देखिएको समस्या समाधानका लागि विभागले प्रयास गरिरहेको जनाएको छ। समस्या समाधान नभएसम्म वा अर्को सूचना नभएसम्म सेवा बन्द रहनेछ।
प्रतिक्रिया