ललितपुर । ललितपुरको महालक्ष्मी नगरपालिका–५, टिकाथलीमा चोरी भएको छ। राधाकृष्ण चोकस्थित दीपेन्द्र झाको घरमा चोरी भएको प्रहरीले जनाएको छ।
प्राप्त जानकारी अनुसार चोरले घरभित्र प्रवेश गरी सुनका विभिन्न गरगहना, नगद रकम तथा १ थान मोबाइल फोन समेत गरी करिब ४ लाख ६५ हजार रुपैयाँ बराबरको धनमाल चोरी गरेका छन्।
चोरीपछि घटनास्थलबाट फरार रहेका व्यक्तिको खोजी भइरहेको र घटनासम्बन्धी आवश्यक अनुसन्धान अघि बढाइएको ललितपुर प्रहरीले जानकारी दिएको छ।
प्रहरीले स्थानीयवासीलाई सतर्क रहन तथा शंका लागेमा तत्काल प्रहरीलाई खबर गर्न आग्रह गरेको छ।
प्रतिक्रिया