‘तक्मेबुढा’को डेव्यु निर्देशनमा चलचित्र ‘मैझारो’को छायांकन सुरु

अभिनेता विल्सन विक्रम राई, ‘तक्मेबुढा’ डेव्यु निर्देशनमा चलचित्र ‘मैझारो’को छायांकन सुरु गरिएको छ ।

आज साउने संक्रान्तिको शुभअवसर पारेर पूर्वी नेपालको पहाडी जिल्ला इलामबाट औपचारिक रूपमा छायांकन सुरु गरिएको हो ।

निर्देशक राईका अनुसार चलचित्रमामा पूर्वी पहाडको जीवनशैली, संस्कृति र सामाजिक यथार्थलाई आधारित चलचित्र निर्माण गर्ने तयारी रहेको छ ।

चलचित्र‘मैझारो’ छायांकन इलाम र पाँचथर जिल्लाका विभिन्न स्थानहरूमा हुनेछ ।

चलचित्रमा धिरज मगर, मिरुना मगर, दिया पुन, सुनिल थापा, कविता आले, पुस्कर गुरुङ, अभयराज बराल, उदय सुब्बा, बुद्धि तामाङ, रजनी गुरुङ, विशाल लिम्बू र सुभाष सिंह ठकुरी लगायत कलाकारहरूको अभिनय हेर्न पाइन्छ ।

‘तक्मे प्रोडक्सन’को ब्यानरमा निर्माण हुन लागेको यो पहिलो फिचर चलचित्र हो। यसअघिसम्म कम्पनीले हास्य तथा सांगीतिक सामग्री मात्रै निर्माण गर्दै आएको थियो।